ଢେଙ୍କାନାଳ : ଗରମ ଗୁଳୁଗୁଳିରେ ଅତିଷ୍ଠ ହୋଇପଡ଼ିଛି ଜନଜୀବନ । ତା ସହିତ ବିଭିନ୍ନ ସ୍ଥାନରେ ପିଇବାପାଣିର ସମସ୍ୟାକୁ ଯେମିତି ଆହୁରି ବଢାଇ ଦେଇଛି । କିଛି ସ୍ଥାନରେ ଅତିଷ୍ଠ ଲୋକେ ପ୍ରତିବାଦ କରୁଛନ୍ତି । ହେଲେ ପାଣି ସମସ୍ୟା ଦୂର ହୋଇପାରୁନି । ସେହିଭଳି ଢେଙ୍କାନାଳ କାମାକ୍ଷାନଗରରେ ପିଇବା ପାଣି ସମସ୍ୟା ନେଇ ଗାଁର ଲୋକେ ରାଜରାସ୍ତାକୁ ଓହ୍ଲାଇଛନ୍ତି । ଶହଶହ ଲୋକ ପିଇବାପାଣି ମୁନ୍ଦାଏ ସୁବିଧା କରବିାକୁ ଦାବି କରି ରାଜରାସ୍ତା ଅବରୋଧ କରି ବସିଛନ୍ତି ।
ପୂର୍ବରୁ ବହୁବାର ଜଣାଯାଇଥିଲେ ବି କୌଣସି ପ୍ରକାରର ସମାଧାନ ହୋଇନଥିଲା । ଏବେ ପୁଣି ରାସ୍ତାକୁ ଓହ୍ଲାଇଛନ୍ତି ଏହି ବାଉଁଶପାଳ ଶବରସାହିର ଲୋକେ । ଦୀର୍ଘ ସମୟ ଧରି ବହୁ ପୁରଷ ମହିଳା ଏକାଠି ହୋଇ ରାସ୍ତା ଅବରୋଧ କରି ରଖିଥିଲେ ପାଣି ସୁବିଧା କରବିାକୁ ଦାବି କରିଥିଲେ ।
ପରେ ଘଟଣା ସ୍ଥଳରେ ପୁଲିସ ଓ ସରପଞ୍ଚ ପହଂଚି ଲୋକଙ୍କୁ ପୁଣିଥରେ ଦେଇଛନ୍ତି ପ୍ରତିଶ୍ରୁତି । ଯାହାର ଅପେକ୍ଷାରେ ରହିଛନ୍ତି ଗାଁର ଲୋକେ। କେବେ ଏହି ପାଣି ସମସ୍ୟାର ସମାଧାନ ହେବ ଆଉ ଲୋକେ ଉପକୃତ ହେବେ।
Comments are closed.