ଭୁବନେଶ୍ବର: ବାସ୍ତୁ ଶାସ୍ତ୍ର ଘରେ ସକାରାତ୍ମକତା ବୃଦ୍ଧି କରିବା ଏବଂ ନକାରାତ୍ମକତା ହ୍ରାସ କରିବା ପାଇଁ ଅନେକ ଉପାୟ ଦେଇଥାଏ। ଯଦି ଏହି ଟିପ୍ସଗୁଡ଼ିକୁ ଦୈନନ୍ଦିନ ଜୀବନରେ ଗ୍ରହଣ କରାଯାଏ, ତେବେ ଆମେ ଶୁଭ ଫଳ ପାଇପାରିବା। ବାସ୍ତୁଶାସ୍ତ୍ର ଘରର ସମସ୍ତ ଜିନିଷ ସହିତ ଜଡିତ ଟିପ୍ସ ଦେଇଥାଏ। ଗଛଲତା ପାଇଁ କେଉଁ ଦିଗ ଶୁଭ ସେ ବିଷୟରେ ସୂଚନା ମଧ୍ୟ ବାସ୍ତୁରୁ ପାଇପାରିବେ।
ତେବେ ଜାଣିଛନ୍ତି କି, ଘରେ ଗୋଲାପ, ଗେଣ୍ଡୁ, ଚମ୍ପା,ମଲ୍ଲି ଫୁଲ ଗଛ ସକାରାତ୍ମକ ଶକ୍ତି ବୃଦ୍ଧି କରେ। ଏହି ଗଛଗୁଡ଼ିକୁ ଘରର ଉତ୍ତର କିମ୍ବା ପୂର୍ବ ଦିଗରେ ଲଗାଇବା ଉଚିତ।
ଯଦି ଆପଣ ଆପଣଙ୍କ ଘରେ ଗୋଲାପ ଗଛ ଲଗାଇବାକୁ ଭାବୁଛନ୍ତି, ବାସ୍ତୁ ଶାସ୍ତ୍ର ଅନୁସାରେ ଆପଣ ଉତ୍ତର କିମ୍ବା ପୂର୍ବ ଦିଗରେ ଗୋଲାପ ଗଛ ଲଗାଇପାରିବେ। ଏହି ଦିଗରେ ଗୋଲାପ ଗଛ ଲଗାଇବା ଦ୍ୱାରା ଆପଣଙ୍କର ସାମାଜିକ ପ୍ରତିଷ୍ଠା ବୃଦ୍ଧି ପାଇବ। ବାସ୍ତୁ ଶାସ୍ତ୍ର ଅନୁସାରେ, ଯଦି ଆପଣ ନିଜ ଘରେ ଗୋଲାପ ଫୁଲର ଗଛ ଲଗାନ୍ତି, ତେବେ ସୁଖ ଏବଂ ସମୃଦ୍ଧି ଅକ୍ଷୁର୍ଣ୍ଣ ରହିବ। ଏହା ସହିତ ଘରର ନକାରାତ୍ମକ ଶକ୍ତି ମଧ୍ୟ ଦୂରେଇ ଯିବ।
ସେହିପରି ବାସ୍ତୁ ଶାସ୍ତ୍ର ଅନୁସାରେ, ମଲ୍ଲି ଫୁଲ ଗଛ ଉତ୍ତର-ପୂର୍ବ କିମ୍ବା ଉତ୍ତର ଦିଗରେ ଲଗାଇବା ଉଚିତ। ଏହା ବ୍ୟତୀତ, ଆପଣ ପୂର୍ବ ଦିଗରେ ମଧ୍ୟ ମଲ୍ଲି ଫୁଲ ଗଛ ଲଗାଇପାରିବେ। ଯଦି ବାସ୍ତୁ ନିୟମକୁ ମାନି ଘରେ ମଲ୍ଲି ଫୁଲ ଗଛ ଲଗାଯାଏ, ତେବେ ଏହା ଘରେ ସୁଖ ଏବଂ ସମୃଦ୍ଧି ଆଣିଥାଏ। ଏଥିସହ ବ୍ୟକ୍ତିଙ୍କ ଘରେ ଥିବା ଅନେକ ସମସ୍ୟାରୁ ମୁକ୍ତି ପାଇଥାନ୍ତି ।
ଧ୍ୟାନ ରଖିବେ, ଘରର ଶୌଚାଳୟ କିମ୍ବା ବାଥରୁମ ପାଖରେ କେବେବି ମଲ୍ଲି ଗଛ ଲଗାଇବା ଉଚିତ୍ ନୁହେଁ। ଏପରି କରିବା ଅଶୁଭ ।
ବାସ୍ତୁ ଶାସ୍ତ୍ର ଅନୁସାରେ, ଗେଣ୍ଡୁ ଫୁଲ ଗଛ ସର୍ବଦା ଉତ୍ତର-ପୂର୍ବ ଦିଗରେ ଲଗାଇବା ଉଚିତ। ଏହା ବ୍ୟତୀତ, ଆପଣ ଏହି ଫୁଲ ଗଛକୁ ପୂର୍ବ କିମ୍ବା ଉତ୍ତର ଦିଗରେ ମଧ୍ୟ ଲଗାଇପାରିବେ। ଏହାକୁ ଘରେ ଲଗାଇବା ଦ୍ୱାରା ସକାରାତ୍ମକ ଶକ୍ତି ଆସିଥାଏ ଏବଂ ଧନ ମଧ୍ୟ ଲାଭ ହୁଏ ।
ସାଜସଜ୍ଜା ପାଇଁ ଲଗାଯାଇଥିବା ଛୋଟ ଗଛଗୁଡ଼ିକୁ ଉତ୍ତର କିମ୍ବା ପୂର୍ବ ଦିଗରେ ଲଗାଇବା ଶୁଭ ବୋଲି ବିବେଚନା କରାଯାଏ। ଯଦି ଆପଣ ଘରେ ଏକ ଛୋଟ ବଗିଚା କରିବାକୁ ଚାହାଁନ୍ତି, ତେବେ ଆପଣ ଏହାକୁ ଘରର ପୂର୍ବ, ଉତ୍ତର କିମ୍ବା ପଶ୍ଚିମ ଦିଗରେ କରିପାରିବେ। ଉତ୍ତର-ପୂର୍ବ ଦିଗରେ ଫୁଲ ଗଛ ଲଗାଯାଇପାରିବ।
Comments are closed.