ରାୟପୁର: ଛତିଶଗଡ଼ର ରାୟପୁର ରେଳ ଷ୍ଟେସନ ନିକଟରେ ଆଜି ସକାଳେ ସାରନାଥ ଏକ୍ସପ୍ରେସ୍ ଟ୍ରେନ୍ ଭିତରେ ଗୁଳିମାଡ଼ ହୋଇଛି । ଗୁଳିମାଡ଼ରେ ଜଣେ ଆରପିଏଫ୍ ଯବାନଙ୍କ ମୃତ୍ୟୁ ଘଟିଛି । ମୃତ ଯବାନଙ୍କ ନାଁ ଦିନେଶ ଚଦ୍ର ବୋଲି ଜଣାପଡ଼ିଛି । ଏହି ଘଟଣାରେ ମହମ୍ମଦ ଦାନିଶ ନାମକ ଜଣେ ଯାତ୍ରୀଙ୍କ ପେଟରେ ଗୁଳି ବାଜିଛି । ତାଙ୍କୁ ରାୟପୁର ସ୍ଥିତ ଏକ ହସ୍ପିଟାଲରେ ଚିକିତ୍ସା କରାଯାଉଛି । ରେଲୱେ ପୁଲିସ୍ ଘଟଣାର ତଦନ୍ତ ଆରମ୍ଭ କରିଛି ।
ରେଲୱେ ପୁଲିସର ସୂଚନାଅନୁସାରେ, ମୃତ ଆରପିଏଫ୍ ଯବାନ ଦିନେଶ ଚଦ୍ରଙ୍କ ବନ୍ଧୁକରୁ ହଠାତ୍ ଗୁଳି ଫୁଟି ଯାଇଥିଲା । ଫଳରେ ତାଙ୍କ ଛାତିରେ ଗୁଳି ବାଜିଥିଲା। ଏଥିସହ ତାଙ୍କ ପାଖରେ ବସିଥିବା ମହମ୍ମଦ ଦାନିଶଙ୍କ ଦେହରେ ମଧ୍ୟ ଗୁଳି ବାଜିଥିଲା । ମୃତ ଆରପିଏଫ୍ ଯବାନ ଓ ମହମ୍ମଦ ଦାନିଶଙ୍କୁ ରାମକୃଷ୍ଣ ହସ୍ପପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଆରପିଏଫ୍ ଯବାନଙ୍କୁ ଡାକ୍ତର ମୃତ ଘୋଷଣା କରିଥିଲେ । ଦାନିଶଙ୍କ ସ୍ୱାସ୍ଥବସ୍ଥା ସ୍ଥିର ରହିଛି।
Comments are closed.