ମୁମ୍ବାଇ: ବରିଷ୍ଠ ଅଭିନେତା ପ୍ରେମ ଚୋପ୍ରାଙ୍କ ମୃତ୍ୟୁ ଗୁଜବ ବଲିଉଡ ଏବଂ ସିନେପ୍ରେମୀଙ୍କୁ ଅସ୍ତ ବ୍ୟସ୍ତ କରି ପକାଇଥିଲା । କିଛି ସମୟ ପରେ ଏହା ଗୁଜବ ବୋଲି ଜଣା ପଡିଥିଲା । ଖବର ପ୍ରସାରିତ ହେବା ପରେ ପ୍ରେମ ଚୋପ୍ରାଙ୍କ ପରିବାର ସଦସ୍ୟଙ୍କ ପାଖକୁ ତାଙ୍କ ସ୍ୱାସ୍ଥ୍ୟାବସ୍ଥା ଜାଣିବା କଲ ଏବଂ ମେସେଜର ସୁଅ ଛୁଟିଥିଲା । ଏହା ନିଶ୍ଚିତ ଭାବେ ଦୁଃଖର କଥା, ଜୀବିତ ଲୋକଙ୍କ ମୃତ୍ୟୁ ଖବର ପ୍ରସାରିତ କରି ସେମାନେ କଣ ଆନନ୍ଦ ପାଇଛନ୍ତି ତାହା ମୁଁ ଜାଣି ନାହିଁ । ମୋ ପ୍ରଶଂସକମାନଙ୍କୁ କହିବାକୁ ଚାହୁଁଛି ଆପଣମାନଙ୍କ ଆଶୀର୍ବାଦରୁ ମୁଁ ସୁସ୍ଥ ଏବଂ ଠିକ ଅଛି । କିଛି ଦିନ ତଳେ ମୋ ପ୍ରିୟ ବନ୍ଧୁ ଜିତେନ୍ଦ୍ରଙ୍କୁ ମଧ୍ୟ ଗୁଜବରେ ମାରି ଦେଇଥିଲେ । ସୁସ୍ଥ ସମାଜରେ ଏହା ଗ୍ରହଣୀୟ ନୁହେଁ ବୋଲି ସେ କହିଛନ୍ତି । ସୂଚନାଯୋଗ୍ୟ, ଚଳିତ ବର୍ଷ ଜାନୁୟାରୀରେ ପ୍ରେମ ଚୋପ୍ରା ଏବଂ ତାଙ୍କ ପତ୍ନୀଙ୍କୁ କରୋନା ହୋଇଥିଲା । ଚିକିତ୍ସା ପରେ ସେମାନେ ସମ୍ପୂର୍ଣ୍ଣ ସୁସ୍ଥ ହୋଇ ଘରକୁ ପେରିଥିଲେ ।
Comments are closed.