ଚେନ୍ନାଇ: ଚଳିତ ଆଇପିଏଲରେ ମଙ୍ଗଳବାର ଚେନ୍ନାଇ ସୁପର କିଙ୍ଗସ ଅଧିନାୟକ ରିତୁରାଜ ଗାଏକ୍ୱାଡ ଆକର୍ଷଣୀୟ ଶତକ ହାସଲ କରିବା ସହ ମହେନ୍ଦ୍ର ସିଂ ଧୋନୀଙ୍କ ରେକର୍ଡ ଭାଙ୍ଗିଛନ୍ତି । ଲକ୍ଷ୍ନୌ ସୁପର ଜ୍ୟାଂଟସ ମୁକାବିଲାରେ ସେ ଏହି କୀର୍ତିମାନ ସ୍ଥାପନ କରିଛନ୍ତି । ଆଇପିଏଲରେ ଓଭରାଲ ୮ମ ଏବଂ ଚେନ୍ନାଇ ପକ୍ଷରୁ ପ୍ରଥମ ଅଧିନାୟକ ଭାବେ ରିତୁରାଜ ଶତକ ହାସଲ କରିଛନ୍ତି । ତାଙ୍କ ପୂର୍ବରୁ ମହେନ୍ଦ୍ର ସିଂ ଧୋନୀ ସର୍ବାଧିକ ୮୪ ରନ କରିଥିଲେ ।
ଆଇପିଏଲରେ ଶତକ ହାସଲ କରିଥିବା ଅଧିନାୟକ: କେଏଲ ରାହୁଲ ପଞ୍ଜାବ କିଙ୍ଗସ ପକ୍ଷରୁ ଗୋଟିଏ ଏବଂ ଲକ୍ଷ୍ନୌ ତରଫରୁ ୨ଟି ଶତକ ହାସଲ କରିଛନ୍ତି । ସନରାଇଜର୍ସ ହାଇଦ୍ରାବାଦ ପକ୍ଷରୁ ଡେଭିଡ ୱାର୍ଣ୍ଣର, ଦିଲ୍ଲୀ ଡେୟାରଡେଭିଲ୍ସର ବୀରେନ୍ଦ୍ର ସେହ୍ୱାଗ, ରାଜସ୍ଥାନ ରୟାଲ୍ସର ସଞ୍ଜୁ ସାମସନ, ଆରସିବି ତରଫରୁ ବିରାଟ କୋହଲି ୫ଟି ଶତକ, କିଙ୍ଗସ ଏକାଦଶ ପଞ୍ଜାବର ଆଡାମ ଗିଲକ୍ରିଷ୍ଟ ଓ ମୁମ୍ବାଇ ଇଣ୍ଡିଆନ୍ସର ସଚିନ ତେନ୍ଦୁଲକର ଏହି ସଫଳତା ହାସଲ କରିଛନ୍ତି । ରିତୁରାଜଙ୍କ ଚମତ୍କାର ବ୍ୟାଟିଂ ବଦଳରେ ଲକ୍ଷ୍ନୌ ୨୧୧ ରନର ଲକ୍ଷ୍ୟ ଚେନ୍ନାଇ ସମ୍ମୁଖରେ ରଖିଛି ।
Comments are closed.