ଶୁଭ୍ରାଂଶୁ ଶେଖର ମାହୁନ୍ତ 
ରଥାରୁଢ ହେବୁ କାଳିଆ ସାଆନ୍ତ
ଭାଇ ଭଉଣୀଙ୍କୁ ନେଇ,
ଗୁଣ୍ଡିଚା ମାଉସୀ ଅତି ସରାଗରେ
ବସିଅଛି ବାଟ ଚାହିଁ ।
ସ୍ବନେତ୍ରରେ ତୋତେ ନନ୍ଦିଘୋଷେ ଦେଖି
ହୋଇବେ ଭକ୍ତ ବିଭୋର,
ଶରଧା ବାଲିକୁ ମୁଣ୍ଡରେ ଲଗେଇ
ପାଇବେ ଖୁସି ଅପାର ।
କରୋନା ଭୟରେ ଗତ ଦୁଇବର୍ଷ
ପାଇଲେନି ଭକ୍ତ ଦେଖି,
କଟକଣା ହେଲା ରଥଯାତ୍ରା ଦିନ
ଅଛୁ ତୁହି ପ୍ରଭୁ ସାକ୍ଷୀ ।
ବିଶ୍ବନିୟନ୍ତା ତୁ ଜଗତର ନାଥ
କୋଟିରେ ଗୋଟିଏ ତୁହି,
ତୋ ପ୍ରେମେ ପାଗଳ ହୋଇବେ ଭକତ
ତୁଣ୍ଡରେ ତୋ ନାମ ନେଇ ।
ଭକତ ଭାବରେ ବନ୍ଧା ହୋଇଅଛୁ
ଯୁଗେ ଯୁଗେ ତୁ କାଳିଆ,
ଦାସିଆ ବାଉରୀ ପାଇଁ ରଖିଦେଲୁ
ରଥକୁ ବାଟରେ ଠିଆ ।
ମାଉସୀ ଘରକୁ ଯାଉଅଛୁ ତୁହି
ନନ୍ଦିଘୋଷରେ ତୁ ବସି,
ତାଳଧ୍ବଜେ ଯିବେ ବଡଭାଇ ତୋର
ଦେଇଣ ମୁରୁକି ହସି ।
ସୁଭଦ୍ରା ଭଉଣୀ ଦର୍ପଦଳନରେ
ଯିବେ ତୋର ସାଙ୍ଗେ ହୋଇ,
ମାଉସୀର ଘରେ ନଅଦିନ ରହି
ଆସିବୁ ତୁ ନିଳାଚଳ ଧାଇଁ ।
ଭଦ୍ରକ
Comments are closed.