ଅନୁବାଦ କବିତା : ସାମନା ସାମନି

ଚେଜଲୋ ମିଲସ ( ୧୯୧୧ -୨୦୦୪ ) ତତ୍କାଳୀନ ସୋଭିଏତ ୟୁନିୟନର ଲିଥୁଆନିୟାରେ ଜନ୍ମ ଗ୍ରହଣ କରିଥିଲେ। ତାଙ୍କ ପରିବାର କିନ୍ତୁ ପୋଲାଣ୍ଡର । ବିଶ୍ୱ ବିଦ୍ୟାଳୟ ଶିକ୍ଷା ପରେ ସେ ପୋଲାଣ୍ଡର କୂଟନୀତିଜ୍ଞ ଭାବେ ଦୁଇ ବିଶ୍ଵଯୁଦ୍ଧ ମଧ୍ୟରେ ଆମେରିକା ଓ ଫ୍ରାନ୍ସରେ କାମ କରିଥିଲେ। ମାତ୍ର ୧୯୫୧ ସେ ଫ୍ରାନ୍ସରେ ରାଜନୈତିକ ଆଶ୍ରୟ ପାଇଁ ଆବେଦନ କରିଥିଲେ। ୧୯୭୦ ରେ ସେ ଆମେରିକା ଯାଇ ବାର୍କଲେ ବିଶ୍ୱବିଦ୍ୟାଳୟରେ ଅଧ୍ୟାପକ ଭାବରେ ସେ କାର୍ଯ୍ୟ କରିଥିଲେ ଏବଂ କ୍ରମେ ଆମେରିକାର ନାଗରିକତ୍ୱ ଗ୍ରହଣ କରିଥିଲେ। ଏଣୁ ଏହି କବି, ସମାଲୋଚକ, ଅନୁବାଦକ ଯେତେବେଳେ ନୋବେଲ ପୁରସ୍କାର ପାଇଲେ , ପୁରସ୍କାର ତାଲିକାରେ ସେ ଆମେରିକାର ବୋଲି ଦର୍ଶାଯାଇଛି। ତାଙ୍କର ଅନେକ କବିତାରେ ତତ୍କାଳୀନ ସୋଭିଏତ ୟୁନିୟନ ଓ ପୂର୍ବ ୟୁରୋପୀୟ ଦେଶ ମାନଙ୍କରେ ଥିବା କମ୍ୟୁନିଷ୍ଟ ସରକାରଙ୍କ ବିରୁଦ୍ଧରେ ରୋଷ, କ୍ଷୋଭ ଓ ବିଦ୍ରୋର ଚିହ୍ନ ସ୍ପଷ୍ଟ ଜଣାପଡ଼େ।