ଗଦାଧର ସାହୁ 
ମାଟି ପୋଡି ମାଟି
ଘୋଡା ଗଢ଼ିଥିଲି
ସେନେହ ମମତା ଭରି,
ଘୋଡା ଭାଙ୍ଗିଗଲା
ହୃଦୟ ଭାଙ୍ଗିଲା
ଘୋଡା ନଆସିଲା ଫେରି ।
ରକ୍ତ ମାଂସ ହାଡ
ଶରୀର କାନ୍ଦିଲା
ମାଟି ପୋଡା ଘୋଡା ପାଇଁ,
ରକ୍ତ ମାଂସ ହାଡ
ଘୋଡାର ନଥିଲା
ମନ କାନ୍ଦି ଝୁରୁଥାଇ ।
ସେନେହ ମମତା
ଯହିଁ ବନ୍ଧା ଥିବ
ତାପାଇଁ ମନ କାନ୍ଦିବ,
ଘୋଡା ପରି ଦିନେ
ଭାଙ୍ଗିବ ପୋଡିବ
ଏ ଶରୀର ମାଟି ହେବ ।
ଭଙ୍ଗା ଘୋଡା ପାଇଁ
ଯେଭଳି କାନ୍ଦୁଛ
ଏ ଘୋଡା ମଲେ କାନ୍ଦିବ,
ମାଟି ଭାବି ତାକୁ
ଆଗ ପୋଡି ଥିଲ
ଏ ଘୋଡା ପଛେ ପୋଡିବ ।
ବ୍ରହ୍ମଗିରି,ପୁରୀ
Comments are closed.