ଗଦାଧର ସାହୁ 
ଆସ ଆସ ଗୋ ମିତ
ଆସ ସହି ସଙ୍ଗାତ,
ମିଳି ମିଶି କଷିବା
ଜୀବନ ଗଣିତ ।
ସୁଖ ଦୁଃଖକୁ ନେଇ
ରାଗ କ୍ରୋଧ ମିଶାଇ,
ସ୍ନେହ ଶ୍ରଦ୍ଧାକୁ ରଖିବା
ବନ୍ଧନୀ ଦେଇ ।
ଆଗ ବନ୍ଧନୀ ହଟା
ତୋରି,ମିଛ ଲେଉଟା,
ନ ହଟି ପାରିଲେ
ତୁ ହେବୁ ହଟହଟା ।
ତାପରେ ର ଆସିବ
ସଦା ସତର୍କ ଥିବ,
ରାଗ କ୍ରୋଧ ଥିଲେ
ତାକୁ ଶାନ୍ତେ ଗୁଣିବ ।
ପର ଧନ ହରଣ
ପର ନାରୀ ହରଣ,
ଜୀବନେ ନହରିଲେ
ହେବୁ ହଇରାଣ ।
ସତ୍ଯ କର୍ମ ଗୁଣିବୁ
ଭଲ କଥା ଶୁଣିବୁ,
ଅସତ୍ୟ ବାଟରୁ
ମନ ହଟାଇ ବେବୁ ।
ସୁଖ ଦୁଃଖ ମିଶାଇ
ଜୀବନ ଅର୍ଥ ଏହି,
ଦୁଃଖ ବେଶି ହେଲେ
ସୁଖୁ ଫେଡିବୁ ତୁହି ।
ଏ ଜୀବନ ଗଣିତ
ସଦା କଷିବା ମିତ,
ଅଭ୍ୟାସ କଲେ
ମିଳିବ ଲାଭ ଅଶେଷ ।
ବ୍ରହ୍ମଗିରି
Comments are closed.