ମୈତ୍ରୀମୟୀ ନାୟକ 
ଦର୍ପଣର ସେପଟେ ଥିବା “ମୁଁ” କୁ
ଖୋଜିବାକୁ ଚାହେଁ,
ମୋର ଉଦ୍ଦେଶ୍ୟ ଅଜ୍ଞାତ ।
ଜୀବନର ମହାନ ମଞ୍ଚରେ
ଏକ ସନ୍ଧାନ ଆରମ୍ଭ କରୁଛି,
ଅନାବୃତ ରହିଥିବା କିଛି ରହସ୍ୟମୟ
ପୃଷ୍ଠା ଖୋଲିବାକୁ ।
ପବନରେ ଉଡ଼ୁଥିବା
କିଛି ଅସ୍ପଷ୍ଟ କଣିକାରେ,
ମୋର ପରିଚୟ
ଅଦୃଶ୍ୟ ହେବାକୁ ଲାଗୁଛି ।
କଥା, ଲଘୁକଥା, ଗୁଜବ,
କାହାଣୀର ମିଶ୍ରଣ,
ପ୍ରତ୍ୟେକ ଜାଗାରେ
ଖୁନ୍ଦି ହୋଇଛି ଇତିହାସ ।
ମୁଁ କିଛି ଚିନ୍ତା,
ମତାମତ ଓ ଆଶାର ପ୍ରତିଧ୍ୱନୀ,
ସଂସ୍କୃତିର ଏକ ବିଶାଳ ଆବରଣ,
ମୋ ଭିତରେ ସୃଷ୍ଟି କରେ
ଅନବରତ ଗୁଞ୍ଜରଣ ।
ମୁଁ, ହରେଇଥିବା ପିଲାଦିନର ହସ,
ଶିଖାଯାଇଥିବା ନୀତିଶିକ୍ଷା,
ପୃଥିବୀର ହିତାକାଂକ୍ଷୀ ।
ମୁଁ ବୁଣୁଥିବା ସ୍ୱପ୍ନ,
ମୁଁ ସାମ୍ନା କରୁଥିବା ଭୟ,
ସବୁକିଛିର ଦିଗ ଏହି ମର୍ତ୍ତ୍ୟରେ ବନ୍ଧା |
ନିଆଯାଇଥିବା ପ୍ରତ୍ୟେକ ପଦକ୍ଷେପରେ,
ମୁଁ ଚାଲୁଥିବା ପ୍ରତ୍ୟେକ ପଥରେ,
ଗୋଟେ ଅପମିଶ୍ରିତ
କାହାଣୀ ଲେଖିବାକୁ ଅପେକ୍ଷା କରିଛି l
ତେଣୁ, ମୁଁ କିଏ, ସନ୍ଧାନରେ,
ମୁଁ ମୋ ଅସ୍ତିତ୍ଵର
ଖଣ୍ଡଗୁଡ଼ିକୁ ସାଉଁଟି ଚାଲିଛି ।
ମୋର ଛଦ୍ମ ପରିଚୟକୁ ଅନାବୃତ କରି,
ନୂଆଁ ‘ମୁଁ’ର ଆବିଷ୍କାର ପାଇଁ,
ଦର୍ପଣ ସେପଟ “ମୁଁ” ସହ ଭେଟ ହେବା ଜରୁରୀ ।
Comments are closed.