ଭୁବନେଶ୍ବର : ଭୁବନେଶ୍ବରସ୍ଥିତ ରେଳବାଇ ଅଡିଟୋରିୟମ ନିକଟରେ ଉନ୍ମୋଚିତ ହୋଇଛି ସହିଦ ସ୍ମାରକୀ । ପୂର୍ବତଟ ରେଳପଥର ମହାପ୍ରବନ୍ଧକ ବିଦ୍ୟାଭୂଷଣ ଏହି ସହିଦ ସ୍ମାରକକୁ ଉନ୍ମୋଚନ କରିବା ସହ ସହିଦ ବଳିଦାନ ପାଇଁ ପୁଷ୍ପମାଲ୍ୟ ଅର୍ପଣ କରିଥିଲେ ।
ସହିଦଙ୍କ ବଳିଦାନକୁ ସ୍ମରଣ କରିବା ପାଇଁ ସହିଦ ସ୍ମାରକ ନିର୍ମାଣ କରାଯାଇଛି । ଏହା ସାହସିକତା ଏବଂ ସାହସର ଅସଂଖ୍ୟ କାହାଣୀର ସାକ୍ଷୀ ହେବ । ଉଦଘାଟନୀ ଉତ୍ସବରେ ସମସ୍ତ ସହିଦଙ୍କୁ ରେଳ ସୁରକ୍ଷା ବଳ ପକ୍ଷରୁ ଗାର୍ଡ ଅଫ୍ ଅନର ପ୍ରଦାନ କରାଯାଇଥିଲା । ରାଷ୍ଟ୍ରର ସମ୍ମାନ ଏବଂ ପ୍ରତିଷ୍ଠା ରକ୍ଷା କରିବା ପାଇଁ ନିଜ ଜୀବନକୁ ଉତ୍ସର୍ଗ କରିଥିବା ସମସ୍ତ ସହିଦଙ୍କୁ ଶ୍ରଦ୍ଧାଞ୍ଜଳି ଦିଆଯାଇଥିଲା । ସହିଦ ସ୍ମାରକୀ ଉଦଘାଟନୀ ଉତ୍ସବରେ ରେଳପଥର ଅତିରିକ୍ତ ମହାପ୍ରବନ୍ଧକ ସୁଧୀର କୁମାର, ମୁଖ୍ୟ ସୁରକ୍ଷା କମିଶନର ତଥା ଆଇଜି ଆରପିଏଫ ରାଜା ରାମ ଏବଂ ପୂର୍ବତଟ ରେଳପଥର ସମସ୍ତ ବିଭାଗୀୟ ପ୍ରମୁଖ ଅଧିକାରୀଙ୍କ ସହିତ ଖୋର୍ଦ୍ଧା ରୋଡ ରେଳ ମଣ୍ଡଳର ରେଳବାଇ ପ୍ରବନ୍ଧକ ରିଙ୍କେଶ ରୟ ଉପସ୍ଥିତ ଥିଲେ ।
Comments are closed.