ମୁମ୍ବାଇ: ସାଉଥ ସୁପରଷ୍ଟାର ପ୍ରଭାସ ଅଭିନୀତ ସାଲାର ଫିଲ୍ମର ରିଲିଜ ତାରିଖ ଘୁଂଚାଇ ଦିଆଯାଇଛି । ଏହା ପ୍ରଥମେ ସେପ୍ଟମ୍ବର ୨୮ରେ ରିଲିଜ ହେବ ବୋଲି ସ୍ଥିର ହୋଇଥିଲା । ପୋଷ୍ଟ ପ୍ରଡକ୍ସନ କାମ ବାକିଥିବାରୁ ମେକର୍ସ ବାଧ୍ୟ ହୋଇ ଏହି ନିଷ୍ପତି ନେଇଥିବା ଟ୍ରେଡ ଆନାଲିଷ୍ଟ ତରନ ଆଦର୍ଶ କହିଛନ୍ତି । ତେବେ ବିଧିବଦ୍ଧ ଭାବେ ମେକର୍ସଙ୍କ ପକ୍ଷରୁ ଏ ନେଇ କୌଣସି ଘୋଷଣା କରାଯାଇ ନାହିଁ । ତରନଙ୍କ ଅନୁସାରେ ଫିଲ୍ମ ୨୦୨୩ ଡିସେମ୍ବର କିମ୍ବା ୨୦୨୪ ଜାନୁୟାରୀରେ ରିଲିଜ ହୋଇପାରେ । ସାଲାର ଏବେ ଫୁକରେ ୩ ଓ ଦି ଭ୍ୟାକ୍ସିନ ୱାର ସହ ମୁକାବିଲା କରିବ ।
ସାଲାରର ଟ୍ରେଲର ରିଲିଜ ହେବାରେ ବିଳମ୍ବ ହେବାକୁ ଏହା ଆଶଙ୍କା କରାଯାଉଥିଲା । ପ୍ରଭାସଙ୍କ ଆଦିପୂରୁଷ ଫିଲ୍ମ ବକ୍ସ ଅଫିସରେ ବିଫଳ ହୋଇଥିବାରୁ ସେ ସାଲାର ପ୍ରତି ଅତ୍ୟଧିକ ଯତ୍ନବାନ ହୋଇଛନ୍ତି । କେଜିଏଫ ଫେମ ନିର୍ଦ୍ଦେଶକ ପ୍ରଶାନ୍ତ ନୀଲଙ୍କ ସହ ପ୍ରଭାସ ପ୍ରଥମ ଥର ପାଇଁ କାମ କରୁଥିବାରୁ ଫିଲ୍ମର ସଫଳତା ନେଇ ବେଶ ଉତ୍ସାହିତ ଅଛନ୍ତି ।
Comments are closed.