ମୁମ୍ବାଇ: ସଲମାନ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ ‘କିସି କା ଭାଇ, କିସି କି ଜାନ’ର ଟ୍ରେଲର ରିଲିଜ୍ ହୋଇଯାଇଛି । ଏହି ଟ୍ରେଲରକୁ ଦର୍ଶକଙ୍କଠାରୁ ବହୁତ ଭଲ ପ୍ରତିକ୍ରିୟା ମିଳିଛି । ସଲମାନ ଖାନଙ୍କ ପ୍ରଡକ୍ସନ୍ ହାଉସ୍ରେ ନିର୍ମିତ ଏହି ଆକ୍ସନ୍ ଫିଲ୍ମ ଇଦ୍ରେ ରିଲିଜ୍ ହେବ । ଏହି ଫିଲ୍ମକୁ ନେଇ ସଲମାନ୍ ବେଶ୍ ଚିନ୍ତିତ ଅଛନ୍ତି । ବକ୍ସ ଅଫିସରେ ଏହା କେତେ ସଫଳତା ହାସଲ କରିବ ସେନେଇ ଡ଼ର ରହିଛି । ଯଦି ଏହି ଫିଲ୍ମ ଫ୍ଲପ୍ ହେଲା ତେବେ ଏଥିପାଇଁ ସମ୍ପୂର୍ଣ୍ଣ ଭାବେ ମୁଁ ହିଁ ଦାୟୀ ହେବି ବୋଲି ସଲମାନ କହିଛନ୍ତି ।
ଫିଲ୍ମ ‘କିସି କା ଭାଇ, କିସି କି ଜାନ’ର ଟ୍ରେଲର ସୋମବାର ରିଲିଜ ହେବାବେଳେ ସଲମାନ ବହୁତ ଖୁସି ଥିବା ନଜର ଆସିଥିଲେ । ଏନେଇ ନିର୍ଦ୍ଦେଶକ ଫରହାଦ୍ ସାମଜୀଙ୍କୁ ପଚରାଯିବାରୁ ସେ କହିଥିଲେ ଯେ, ସେ ସଲମାନଙ୍କୁ ଖୁବ୍ ପ୍ରଶଂସା କରିବା ସହ ଫିଲ୍ମରେ ଏଭଳି ଅଭିନେତା ଥିଲେ ଡ଼ରିବାର କୌଣସି କାରଣ ନାହିଁ । ଫିଲ୍ମ ନିଶ୍ଚୟ ସଫଳତା ପାଇବ । ଏହାର ଉତ୍ତରରେ ସଲମାନ କହିଛନ୍ତି, ଯଦି ଏହି ଫିଲ୍ମ କାମ ନ କରେ, ସେଥିପାଇଁ ମୁଁ ହିଁ ଦାୟୀ ରହିବି । ତା’ପରେ ଫରହାଦ୍ କହିବେ ଏହି ବ୍ୟକ୍ତି ଜଣଙ୍କ କାରଣରୁ ଫିଲ୍ମ ଫ୍ଲପ୍ ହେଲା । ଏହା ଶୁଣି ସେଠାରେ ଉପସ୍ଥିତ ଲୋକମାନେ ହସିବାକୁ ଲାଗିଥିଲେ ।
ଫିଲ୍ମରେ ସଲମାନ ଖାନଙ୍କ ବ୍ୟତୀତ ରାଘବ ଜୁୟାଲ, ଶାହନାଜ ଗିଲ, ଜସି ଗିଲ, ପଲକ ତିୱାରୀ, ସିଦ୍ଧାର୍ଥ ନିଗମ, ଜଗପତି ବାବୁ, ଭେଙ୍କଟେଶ ପ୍ରମୁଖ ଅଛନ୍ତି ।
Comments are closed.