ମୁମ୍ବାଇ: ହତ୍ୟା ଧମକ ପରେ ସଲମାନଙ୍କ ଭୟ ବଢ଼ିବାରେ ଲାଗିଛି । ଅସ୍ତ୍ର ରଖିବା ଲାଇସେନ୍ସ ଆବେଦନ କରିବା ପରେ ଏବେ ତାଙ୍କ କାରକୁ ଅପଗ୍ରେଡ କରିଛନ୍ତି । ଏହା ବ୍ୟତୀତ ନିଜର ବ୍ୟକ୍ତିଗତ ସୁରକ୍ଷା ଆହୁରି ବୃଦ୍ଧି କରିଛନ୍ତି । ସେ ଏବେ ଲ୍ୟାଣ୍ଡ କ୍ରୁଜର (ବୁଲେଟ ପ୍ରୁଫ) ଗାଡିରେ ଯିବା ଆସିବା କରିବେ । ଗତ ମାସରେ ଲରେନ୍ସ ବିଶ୍ନୋଇ ଗ୍ୟାଙ୍ଗ ସଲମାନଙ୍କୁ ହତ୍ୟା ଧମକ ଦେଇଥିଲେ । ତାଙ୍କ ପିତା ସଲୀମ ଖାଁଙ୍କୁ ୫ ଜୁନରେ ଧମକପୂର୍ଣ୍ଣ ପତ୍ର ମିଳିଥିଲା । ପଞ୍ଜାବୀ ଗାୟକ ସିଦ୍ଧୁ ମୁସେୱାଲଙ୍କ ହତ୍ୟା ପରେ ବିଶ୍ନୋଇ ଗ୍ରୁପ ପ୍ରତି କଳାକାରଙ୍କ ଭୟ ସୃଷ୍ଟି ହୋଇଛି । ୧୯୯୮ କୃଷ୍ଣସାର ମୃଗ ଶୀକାର ଘଟଣା ପରଠାରୁ ବିଶ୍ନୋଇ ଗ୍ରୁପ ତାଙ୍କ ଉପରେ କ୍ରୋଧୀତ ଅଛି । ସେମାନଙ୍କ ସଭ୍ୟାତରେ କୃଷ୍ଣସାର ମୃଗଙ୍କୁ ପୂଜା କରାଯାଇଥାଏ । ସଲମାନଙ୍କୁ ମାରିବା ପାଇଁ ସ ୨୦୧୮ରେ ଯୋଜନା ପ୍ରସ୍ତୁତ କରିଥିଲେ ମଧ୍ୟ ସଫଳ ହୋଇପାରି ନ ଥିଲେ ।
Comments are closed.