ଜ୍ୟୋତ୍ସ୍ନା ରାଣୀ ଦେବୀ 
କେଁ କଟର କେଁ କଟର
ସାରୁ ବୁଦା ମୂଳେ ବେଙ୍ଗ ଅଠର
ହାତକୁ ଟାଣି
ନାଚୁଛନ୍ତି ପରା ତା ଧିନି ଧିନି ।
କକର୍ କଅ କକର୍ କଅ
କୁକୁଡ଼ା ଅଛନ୍ତି ସେଠାରେ ଛଅ
ଚୁଳ ହଲେଇ
ଗାଉଛନ୍ତି ନାଚି ଥେଇକି ଥେଇ ।
ମେଁ ମେଁ ସେଠି ପନ୍ଦର ଛେଳି
ଠେଲାପେଲା ହୋଇ କରନ୍ତି କଳି
ଗଧିଆ ଦେଖି
ଧାଇଁଗଲେ ଜଣେ ଆନକୁ ଡାକି ।
କୁହୁକୁହୁ ଗାଉଥିଲା କୋଇଲି
ଗଛଡାଳେ ନିଜ ବଡିମା ବୋଲି
ଆସିଲା କୁଆ
କୋଇଲି ଧାଇଁଲା ହୋଇ ଛାନିଆ ।
ଭୋ ଭୋ ଭୋ ହୋଇ କୁକୁର
କହିଲା କାହିଁକି ହୁଅ ଅଧିର
ରହିବା ମିଶି
ହସିବ ଜଙ୍ଗଲ ହୋଇବା ଖୁସି ।
ବ୍ରହ୍ମପୁର, ଗଂଜାମ
Comments are closed.