ବ୍ରହ୍ମପୁର: କରୋନାଭାଇରସର ମୁକାବିଲା ଲାଗି ଅନେକ ବ୍ୟକ୍ତି ଅଳ୍ପବହୁତ ଅର୍ଥରାଶି ପ୍ରଦାନ କରୁଥିବା ବେଳେ ଓଡିଶାର ଏହି କୁନି ଝିଅର ପଦକ୍ଷେପ ସମସ୍ତଙ୍କୁ ଚକିତ କରିଛି । ଏପରିକି ତାଙ୍କୁ ପ୍ରଶଂସା ମଧ୍ୟ କରାଯାଉଛି ।
କୋଭିଡ-୧୯ ବିରୋଧରେ ଜାରି ରହିଥିବା ଲଢେଇ ଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିକଟରେ ସମସ୍ତ ଜନସାଧାରଣଙ୍କୁ ସହାୟତା ପାଇଁ ଅନୁରୋଧ କରିଥିଲେ । ଏହି ପରିପ୍ରେକ୍ଷୀରେ ଗଞ୍ଜାମ ଜିଲ୍ଲାର ଛତ୍ରପୁର ସ୍ଥିତ ଆଇଆରଇଏଲ ସ୍କୁଲର ଜଣେ ଛାତ୍ରୀ ନିଜର ୪ ବର୍ଷର ସଞ୍ଚୟକୁ ଦାନ କରିଛନ୍ତି । ସେ ଜିଲ୍ଲା ସବ୍-କଲେକ୍ଟର ସିନ୍ଦେ ଦତ୍ତାତ୍ରୟ ଭାଉସାହେବଙ୍କୁ ଏହି ଅର୍ଥରାଶି ପ୍ରଦାନ କରିଛନ୍ତି ।
ଏତେ କମ୍ ବୟସରେ ତାଙ୍କର ଏଭଳି ବଦାନ୍ୟତାକୁ ପ୍ରଶଂସା କରି ମୁଖ୍ୟମନ୍ତ୍ରୀ ଟ୍ୱିଟ କରିଛନ୍ତି । ଉକ୍ତ ଟ୍ୱିଟରେ ସେ କହିଛନ୍ତି: “ଗତ ଚାରି ବର୍ଷର ସଞ୍ଚୟକୁ ସିଏମଆରଏଫ #କୋଭିଡ ୧୯ ପାଣ୍ଠିରେ ଦାନ କରିଥିବାରୁ ଗଞ୍ଜାମର ଆଇଆରଇଏଲ୍ ସ୍କୁଲର ଆଦ୍ୟାଶା ଅଦ୍ୟସ୍ମିତାଙ୍କୁ ଧନ୍ୟବାଦ। ତାଙ୍କର ଏଭଳି ଅବଦାନ ଅନ୍ୟମାନଙ୍କୁ ମଧ୍ୟ ଉତ୍ସାହିତ କରିବ ।“
Comments are closed.