ଓଡ଼ିଶା ସମ୍ବାଦ ବ୍ୟୁରୋ : ସିରିୟାରେ ଡ୍ରୋନ୍ ଆକ୍ରମଣରେ ଜଣେ ମୃତ । ସିରିୟାରେ ଆମେରିକା ପକ୍ଷରୁ ହୋଇଥିବା ଡ୍ରୋନ୍ ଆକ୍ରମଣରେ ବରିଷ୍ଠ ଅଲ୍ କାଏଦା ନେତା ଅଲ୍ ମତର ନିହତ ହୋଇଛନ୍ତି । ସେଣ୍ଟ୍ରାଲ କମାଣ୍ଡ ମୁଖପାତ୍ର ମେଜର ଜନ୍ ରିଗସ୍ବି ସୂଚନା ଦେଇଛନ୍ତି । ଆତଙ୍କବାଦୀ ସଙ୍ଗଠନ ସକ୍ରିୟ ହେବା ଦ୍ୱାରା ଆମେରିକା ଏପରି କରିଥିବା କହିଛି। ଅନ୍ୟପଟେ ଆମେରିକା ଏବଂ ତାର ମିତ୍ର ରାଷ୍ଟ୍ରମାନଙ୍କ ପ୍ରତି ଏବେ ଅଲ୍ କାଏଦା ବିପଦର କାରଣ ହୋଇଛି।
ବାହ୍ୟ ସଙ୍ଗଠନଗୁଡ଼ିକ ସହାୟତା ଲୋଡ଼ିବା ଏବଂ ବାହ୍ୟ ଅଭିଯାନ ନିମନ୍ତେ ଯୋଜନା କରିବା ଲାଗି ଅଲ୍-କାଏଦା ସିରିୟାକୁ ନିରାପଦ ଆଶ୍ରୟସ୍ଥଳ ଭାବେ ବ୍ୟବହାର କରୁଛି। ସିରିୟା, ଇରାକ୍ ଏବଂ ଅନ୍ୟ ରାଷ୍ଟ୍ରଗୁଡ଼ିକୁ ଧମକ ଦେବା ପାଇଁ ମଧ୍ୟ ଅଲ୍-କାଏଦା ସିରିୟାକୁ ଆଡ୍ଡା ଭାବେ ଉପଯୋଗ କରୁଛି। ଆମେରିକୀୟମାନଙ୍କର କ୍ଷତି କରିବାକୁ ଲକ୍ଷ୍ୟ ରଖିଥିବା ଅଲ୍-କାଏଦାର ସଦସ୍ୟ ଏବଂ ଅନ୍ୟ ଆତଙ୍କବାଦୀ ସଙ୍ଗଠନଗୁଡ଼ିକ ଉପରେ ଯୁକ୍ତରାଷ୍ଟ୍ର ଆମେରିକା ଆକ୍ରମଣ ଜାରି ରଖିବ।
Comments are closed.