ମୁମ୍ବାଇ: କିଛିଦିନ ହେବ ବଲିଉଡ ଇଣ୍ଡଷ୍ଟ୍ରିରେ ଅନେକ କଳାକାର, ନିର୍ମାତାଙ୍କ ପରଲୋକ ହୋଇଥିବା ହୋଇଥିôବା ବେଳେ ସୋମବାର ରାତିରେ ଆଉ ଜଣେ ବରିଷ୍ଠ ପ୍ରଯୋଜକ ଆରପାରିକୁ ଚାଲିଯାଇଛନ୍ତିି । ‘ଗୋ ଗୋଆ ଗୋନ’,‘ଦ ଭିଲେନ’ର ବରିଷ୍ଠ ନିର୍ମାତା ମୁକେଶ ଉଦେଶୀଙ୍କ ପରଲୋକ ହୋଇଯାଇଛି । ଏହି ଖବର ପ୍ରଚାର ହେବା ପରେ ବଲିଉଡ଼ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି । ଅନେକ ଛୋଟବଡ଼ କଳାକାର ମୁକେଶଙ୍କୁ ଶେଷ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ତାଙ୍କର ଏଭଳି ହଠାତ ମୃତ୍ୟୁକୁ କେହି ବିଶ୍ୱାସ କରି ପାରୁ ନାହାନ୍ତି ।
ସେ ୩୭ ବର୍ଷ ଧରି ଫିଲ୍ମ ନିର୍ମାଣ ଓ ବିଦେଶରେ ଫିଲ୍ମ ନିର୍ମାଣ କରି ଆସୁଥିଲେ । ସେ ତାଙ୍କ ଜୀବନକାଳ ମଧ୍ୟରେ ବଲିଉଡର ଅନେକ ଫିଲ୍ମର ପ୍ରଯୋଜନା ମଧ୍ୟ କରିଛନ୍ତି । ମୁକେଶଙ୍କ ନିର୍ମିତ ‘ଗୋ ଗୋଆ ଗୋନ’ ଓ ‘ଦ ଭିଲେନ’ ବକ୍ସ ଅଫିସରେ ଏତେଟା ସଫଳତା ପାଇ ନ ଥିଲେ ମଧ୍ୟ ଦର୍ଶକ ଏହି ଫିଲ୍ମକୁ ଆଜି ଯାଏଁ ମନେ ରଖିଛନ୍ତି ।
Comments are closed.