ପୁରୀ: ଓଡିଶାରେ କୋହଳ ହୋଇଛି କରୋନା କଟକଣା । ଏହି ମଉକାର ଫାଇଦା ଉଠାଇ ପୁଣିଥରେ ପୁରୀର ସକ୍ରିୟ ହୋଇଉଠିଛି ସେକ୍ସ ରାକେଟ୍ । ଆଜି ସକାଳୁ ପୁରୀର ବଳିଆପଣ୍ଡା ଥାନା ଅନ୍ତର୍ଗତ ହୋଟେଲ ସି ଭ୍ୟୁ ଇନ୍ରୁ ଏକ ସେକ୍ସ ରାକେଟକୁ ପୋଲିସ ଠାବ କରିଛି । ସେକ୍ସ ରାକେଟ୍ରେ ସାମିଲ ଥିବା ୫ଜଣ ଯୁବତୀ ଥାନାରେ ଅଟକ ଥିଲାବେଳେ ଅନ୍ୟ ୩ ଅଭିଯୁକ୍ତଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି ।
ରିପୋର୍ଟ ଅନୁଯାୟୀ ଆଜି ସକାଳୁ ପ୍ରାୟ ୪ଟା୩୦ମିନିଟ୍ରେ ବିଶ୍ୱସ୍ତ ସୁତ୍ରରରୁ ଖବର ପାଇ ପୋଲିସ ହୋଟେଲରେ ଚଢାଉ କରିଥିଲା । ବଳିଆପଣ୍ଡାସ୍ଥିତ ହୋଟେଲ ସି ଭ୍ୟୁ ଇନ୍ର ୧୦୨ ଓ ୧୦୩ ନମ୍ବର ରୁମ୍ରେ ଚଢାଉ ସମୟରେ ଯୁବକ ଓ ଯୁବତୀଙ୍କୁ ଅସଂଜତ ଅବସ୍ଥାରେ ପୋଲିସ ଠାବ କରିଥିଲା ।
ବେଆଇନ ଯୌନ ବ୍ୟବସାୟରେ ସାମିଲ ଥିବା ନିମାପଡାର ଶୁଭନ୍ୱେଶ ସ୍ୱାଇଁ, ଏର୍ସେମା ବାସିନ୍ଦା ଦେବୀପ୍ରସାଦ ମାଝୀ ଓ ହୋଟେଲକୁ ଲିଜ୍ରେ ନେଇଥିବା କୋଲକାତାର ସପନ ଦତ୍ତାଙ୍କୁ ଇମୋରାଲ ଟ୍ରାଫିକିଙ୍ଗ ଆକ୍ଟର ଧାରା ୩,୫,୬ ଓ ୭ ରେ ପୋଲିସ ଗିରଫ କରି କୋର୍ଟ ଚାଲାଣ କରିଛି । ତା ଛଡା ସେକ୍ସ ରାକେଟ୍ରେ ସାମିଲ ଥିବା ୫ ଯୁବତୀଙ୍କୁ ପୋଲିସ ଥାନାରେ ଅଟକ ରଖିଛି ।
ମିଳିଥିବା ସୂଚନା ଅନୁଯାୟୀ ହୋଟେଲ ସି ଭ୍ୟୁ ଇନ୍କୁ ଲିଜ୍ ସୁତ୍ରରେ ନେଇ ସପନ ଦତ୍ତା ଦୀର୍ଘଦିନ ଧରି ସେକ୍ସ ରାକେଟ ଚଳାଇଆସୁଥିଲେ । ଅନ୍ୟପଟେ ଥାନାରେ ଅଟକ ୫ଯୁବତୀଙ୍କ ଘର ପଶ୍ଚିମବଙ୍ଗ ହୋଇଥିଲାବେଳେ ସେମାନଙ୍କୁ ନିଜ ଘରକୁ ପଠାଇବା ଲାଗି ପୋଲିସ ବ୍ୟବସ୍ଥା କରିଥିବା ଜଣାପଡିଛି ।
Comments are closed.