ଭୁବନେଶ୍ବର: ରାଜଧାନୀର ରସୁଲଗଡ଼ ଓଭର ବ୍ରିଜ ନିକଟରେ ବୁଧବାର ସହଦେବ ନାୟକ ହତ୍ୟା ଘଟଣାରେ ବୁଧବାର ୩ ଅଭିଯୁକ୍ତଙ୍କୁ ଗିରଫ କରିଛି କମିଶନରେଟ୍ ପୋଲିସ । ଏନେଇ ଆଜି କୋର୍ଟରେ ହାଜର କରିବ ପୋଲିସ । ଏହା ପୂର୍ବରୁ ଅଭିଯୁକ୍ତଙ୍କୁ ଧଉଳି ନିକଟ ଦୟା ନଦୀ ବ୍ରିଜ୍ ନିକଟକୁ ଆଣି କ୍ରାଇମ୍ ସିନ୍ ରିକ୍ରିଏସନ କରାଯାଇଛି ।
ଦୟା ନଦୀରୁ ହତ୍ୟାରେ ବ୍ୟବହୃତ ମାରଣାସ୍ତ୍ରକୁ ପୋଲିସ ଜବତ କରିଛି । ହତ୍ୟା ପରେ ମାରଣାସ୍ତ୍ରକୁ ଦୟା ନଦୀରେ ଫିଙ୍ଗିଥିଲେ ଅଭିଯୁକ୍ତ । ବୁଧବାର ସକାଳେ ସହଦେବ ନାୟକଙ୍କୁ ହତ୍ୟା କରାଯାଇଥିବାବେଳେ ସନ୍ଧ୍ୟାରେ ନୟାଗଡ଼ ଶରଣକୂଳରୁ ଜଣେ ମହିଳାଙ୍କ ସମେତ ୩ ଅଭିଯୁକ୍ତଙ୍କୁ ପୁଲିସ ଗିରଫ କରିଥିଲା ।
ଗିରଫଙ୍କ ମଧ୍ୟରେ ଜଣେ ମହିଳା ଅଛନ୍ତି । ତାଙ୍କ ନାଁ ଲିପିକା ନାୟକ । ଅନ୍ୟ ଦୁଇ ଜଣ ଲକ୍ଷ୍ମୀଧର ନାୟକ ଓ ରକି ନାୟକ । ଯୋଜନାବଦ୍ଧ ଭାବେ ଏହି ଅଭିଯୁକ୍ତ ମାନେ ମିଶି ପୋଲିସ ମିତ୍ର ଭାବେ କାମ କରୁଥିବା ସହଦେବଙ୍କୁ ହତ୍ୟା ହୋଇଥିବା ଜଣାପଡିଛି ।