ମୁମ୍ବାଇ: ୟଶରାଜ ପ୍ରଡକ୍ସନର ୱାର ୨ରେ ହ୍ରିତିକ ରୋଶନ, ଶାହାରୁଖ ଖାଁ ଓ ସଲମାନ ଖାଁ ଏକତ୍ର ଅଭିନୟ କରି ପାରନ୍ତି ବୋଲି ଇଣ୍ଡିଆ ଟୁଡେରେ ଖବର ପ୍ରକାଶ ପାଇଛି । ବ୍ରହ୍ମାସ୍ତ୍ରର ନିର୍ଦ୍ଦେଶକ ଅୟାନ ମୂର୍ଖାଜୀ ଏଥିରେ ନିର୍ଦ୍ଦେଶନା ଦେବେ । ୟଶରାଜ ସ୍ପାଇ ୟୁନିଭର୍ସ ତାର ପୂର୍ବ ଫିଲ୍ମଗୁଡିକ ମଧ୍ୟରେ ଯୋଗସୂତ୍ର କରିବା ଆରମ୍ଭ କରିଛି । ଏକ ଥା ଟାଇଗର, ଟାଇଗର ଜିନ୍ଦା ହେ, ପଠାନ ଓ ଟାଇଗର ୩ ପରେ ଏବେ ୱାର ୨ର ଯୋଜନା ଆରମ୍ଭ ହୋଇଛି । ୱାର ୨ରେ ଅନ୍ୟ ସ୍ପାଇ ଫିଲ୍ମର ହୀରୋ ଏଥିରେ ନଜର ଆସିବେ । ତେବେ ଶାହାରୁଖ ଓ ସଲମାନଙ୍କ ଯେତେଦୂର ସମ୍ଭବ କାମିଓ ରୋଲ ହେବ । ଜୁନିୟର ଏନଟିଆର ୱାର ୨ ମାଧ୍ୟମରେ ବଲିଉଡରେ ପଦାର୍ପଣ କରିବାକୁ ଯାଉଛନ୍ତି ।
ଚଳିତ ବର୍ଷ ଅକ୍ଟୋବରରେ ଏହି ଫିଲ୍ମର ଶୁଟିଂ ଆରମ୍ଭ ହେବ । ୨୦୧୯ରେ ହ୍ରିତିକ ରୋଶନ, ଟାଇଗର ଶ୍ରଫ ଅଭିନୀତ ୱାର ବକ୍ସ ଅଫିସରେ ଭଲ ବ୍ୟବସାୟ କରିଥିଲା । ପଠାନ ଫିଲ୍ମ ଏହାର ଓପନିଂ କଲେକ୍ସନ ରେକର୍ଡ ଏବେ ଭାଙ୍ଗିଛି । ପଠାନରେ ସଲମାନ କ୍ୟାମିଓ କରିବା ପରେ ଏବେ ଟାଇଗର ୩ରେ ଶାହାରୁ୍ ଏବଂ ୱାର ୨ରେ ସମସ୍ତେ ଏକତ୍ର ହେବେ ।
Comments are closed.