ନୂଆଦିଲ୍ଲୀ: କଂଗ୍ରେସ ନେତା ଶମା ମହମ୍ମଦ ଆଜିକାଲି ନିଜ ମନ୍ତବ୍ୟ ପାଇଁ ଚର୍ଚ୍ଚାରେ ଅଛନ୍ତି । ଭାରତୀୟ କ୍ରିକେଟ ଦଳର ଅଧିନାୟକ ରୋହିତ ଶର୍ମାଙ୍କ ଉପରେ ଆପତ୍ତିଜନକ ମନ୍ତବ୍ୟ ଦେବା ପାଇଁ ଶମାଙ୍କୁ ବହୁତ ସମାଲୋଚନା କରାଯାଉଛି । କଂଗ୍ରେସ ଦଳ ମଧ୍ୟ ଶମାଙ୍କ ବୟାନରୁ ନିଜକୁ ଦୂରେଇ ରଖିଛି । ଏହି ସମୟରେ, ଶମା ବଲିଉଡ ଅଭିନେତ୍ରୀ ତଥା ସାଂସଦ କଙ୍ଗନା ରାଣାୱତଙ୍କୁ ମଧ୍ୟ ଏହି ବିବାଦ ଭିତରକୁ ଟାଣି ଆଣିଛନ୍ତି । କଙ୍ଗନାଙ୍କ ଏକ ପୁରୁଣା ପୋଷ୍ଟ ସେୟାର କରିବା ସମୟରେ, ଶମା ବିଜେପି ନେତା ମନସୁଖ ମାଣ୍ଡଭିଆଙ୍କୁ ଏକ ପ୍ରଶ୍ନ ପଚାରିଛନ୍ତି ।
କଙ୍ଗନାଙ୍କ ପୁରୁଣା ପୋଷ୍ଟ ସେୟାର କରିବା ସମୟରେ ଶମା କହିଛନ୍ତି ଯେ, ମନସୁଖ ମାଣ୍ଡଭିଆ ଏହି ପୋଷ୍ଟରେ କଙ୍ଗନା ରାଣାୱତଙ୍କୁ କ’ଣ କହିବେ? ପ୍ରକୃତରେ, ମନସୁଖ ମାଣ୍ଡାଭିଆ ଶମାଙ୍କ ବୟାନ ଉପରେ ଆପତ୍ତି ଉଠାଇ କହିଥିଲେ ଯେ କଂଗ୍ରେସ ଏବଂ ଟିଏମସି ଖେଳାଳିମାନଙ୍କ ଉପରେ କୌଣସି ଆପତ୍ତି ଜନକ ଟିପ୍ପଣି ନଦେବା ଉଚିତ । ସେ ତାଙ୍କର ବୃତ୍ତିଗତ ଜୀବନକୁ ପରିଚାଳନା କରିବାରେ ସମ୍ପୂର୍ଣ୍ଣ ସକ୍ଷମ ।
ରୋହିତ ଶର୍ମା ଟ୍ୱିଟ୍ କରିଥିଲେ..
ମନସୁଖ ମାଣ୍ଡଭିୟାଙ୍କ ବୟାନ ଉପରେ ପ୍ରତିକ୍ରିୟା ଦେଇ, ଶମା ମହମ୍ମଦ କଙ୍ଗନା ରାଣାୱତଙ୍କ ଏକ ପୁରୁଣା ପୋଷ୍ଟ ସେୟାର କରିଛନ୍ତି । କଙ୍ଗନାଙ୍କ ଏହି ପୋଷ୍ଟ 2021 ମସିହାର । ଏହି ସମୟ ମଧ୍ୟରେ, ରୋହିତ ଶର୍ମା କୃଷକଙ୍କ ଆନ୍ଦୋଳନକୁ ସମର୍ଥନ କରି ଟ୍ୱିଟ୍ କରିଥିଲେ । ରୋହିତ ତାଙ୍କ ଟ୍ୱିଟରେ ଲେଖିଛନ୍ତି ଯେ, ଭାରତ ସବୁବେଳେ ଶକ୍ତିଶାଳୀ ରହିବ । ଏବେ ଆମକୁ ଚାଷୀଙ୍କ ସମସ୍ୟାର ସମାଧାନ ଖୋଜିବା ଉଚିତ । ଦେଶର ବିକାଶରେ ଆମର କୃଷକମାନେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି । ମୁଁ ନିଶ୍ଚିତ ଯେ ସମସ୍ତେ ମିଶି ସେମାନଙ୍କ ସମସ୍ୟାର ସମାଧାନ ପାଇବେ ।
କଙ୍ଗନାଙ୍କ ତୀବ୍ର ପ୍ରତିକ୍ରିୟା
ରୋହିତ ଶର୍ମାଙ୍କ ଟ୍ୱିଟ୍ ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରି କଙ୍ଗନା ଲେଖିଥିଲେ ଯେ ସମସ୍ତ କ୍ରିକେଟର ଏପରି କାହିଁକି ଲାଗନ୍ତି ଯେ, ‘ଧୋବି କା କୁତ୍ତା ନା ଘରକା ନା ଘାଟକା’ । ଚାଷୀମାନେ ସେମାନଙ୍କ କଲ୍ୟାଣ ପାଇଁ ଆସିଥିବା ଆଇନର ବିରୋଧୀ କାହିଁକି? ଏମାନେ ଆତଙ୍କବାଦୀ । ସତ କହିବାରେ ଭୟ କାହିଁକି?
ସୂଚନାଯୋଗ୍ୟ, ରୋହିତ ଶର୍ମାଙ୍କ ଉପରେ ମନ୍ତବ୍ୟ ଦେବା ସମୟରେ ଶମା ମହମ୍ମଦ କହିଥିଲେ ଯେ, ରୋହିତ ବହୁତ ମୋଟା ହୋଇଯାଇଛନ୍ତି, ତାଙ୍କୁ ନିଜ ଫିଟନେସ ଉପରେ ଧ୍ୟାନ ଦେବା ଉଚିତ । ରୋହିତଙ୍କୁ ଏବେ କ୍ରିକେଟ ଛାଡିବା ଉଚିତ । ଟିଏମସି ସାଂସଦ ସୌଗତ ରାୟ ମଧ୍ୟ ଶମାଙ୍କ ବକ୍ତବ୍ୟକୁ ସମର୍ଥନ କରିଥିଲେ ଏବଂ କହିଥିଲେ ଯେ ମୁଁ ଏଥିରେ ସମ୍ପୂର୍ଣ୍ଣ ସହମତ । ରୋହିତଙ୍କୁ କେବଳ ଅଧିନାୟକ ପଦରୁ ନୁହେଁ ବରଂ କ୍ରିକେଟରୁ ମଧ୍ୟ ବାହାର କରାଯିବା ଉଚିତ । ବିବାଦ ବଢ଼ିବା ପରେ, ଶମା ତାଙ୍କର ଟ୍ୱିଟ୍ ଡିଲିଟ କରିଦେଇଥିଲେ ।
Comments are closed.