ବୁଡାପେଷ୍ଟ: ଭାରତୀୟ ଟେବୁଲଟେନିସ ପୁରୁଷ ଡବଲ୍ସ ଯୋଡ଼ି ଅଚନ୍ତା ଶରତ କମଲ୍ ଓ ଜି. ସାଥୀୟାନ୍ ଆଇଟିଟିଏଫ୍ ୱାର୍ଲ୍ଡ ଟୁର୍ ହଙ୍ଗେରୀ ଓପନରେ ରୌପ୍ୟ ପଦକ ହାସଲ କରିଛନ୍ତି। ଫାଇନାଲରେ ସେମାନେ ଜର୍ମାନୀ ଯୋଡ଼ି ବେନେଡିକ୍ଟ ଡୁଡା ଓ ପ୍ୟାଟ୍ରିକ୍ ଫ୍ରାଞ୍ଜିସ୍କାଙ୍କ ନିକଟରୁ ୫-୧୧, ୯-୧୧, ୧୧-୮, ୯-୧୧ରେ ହାରିଯାଇଥିଲେ।
ଏହା ପୂର୍ବରୁ ସେମାନେ ସେମିଫାଇନାଲରେ ହଂକଂର ହୋ କ୍ୱାନ୍ କିଟ୍ ଓ ୱଙ୍ଗ୍ ଚୁନ୍ ଟିଙ୍ଗଙ୍କୁ ୩-୨ରେ ହରାଇ ଫାଇନାଲରେ ପ୍ରବେଶ କରିଥିଲେ। ସ୍ୱିଡେନର ଓରେବ୍ରୋରେ ଚାଲିଥିବା ସ୍ୱିଡିଶ ଜୁନିୟର ଏବଂ କ୍ୟାଡେଟ୍ ଓପନରେ ଚେନ୍ନାଇର ମାଥାନ ରାଜନ ହଂସିନୀ ବ୍ରୋଞ୍ଜ ପଦକ ଜିତିଛନ୍ତି।