ଲଣ୍ଡନ: ଚଳିତ ୱାର୍ଲ୍ଡ ଆଥଲେଟିକ୍ସ ଚାମ୍ପିୟନଶିପର ମହିଳା ୧୦୦ ମିଟରରେ ଜାମାଇକାର ଆଥଲେଟମାନେ କ୍ଲିନ ସୁଇପ କରିଛନ୍ତି । ଶେଲୀ ଆନ ଫ୍ରେଜର ପ୍ରାଇସ ୧୦.୬୭ ସେକେଣ୍ଡ ସମୟରେ ରେସ ସମ୍ପୂର୍ଣ୍ଣ କରି ଚାମ୍ପିୟନଶିପର ଦ୍ରୁତତମ ମହିଳା ହୋଇଛନ୍ତି । ମାତ୍ର ୧୮ ମାଇକ୍ରୋ ସେକେଣ୍ଡ କମ ସମୟ ଯୋଗୁ ସେ ବିଶ୍ୱ ରେକର୍ଡ ହାତଛଡା କରିଛନ୍ତି । ଶେଲୀ ୫ମ ଥର ପାଇଁ ୱାଲ୍ଡ ଆଥଲେଟିକ୍ସ ଚାମ୍ପିୟନଶିପରେ ସ୍ୱର୍ଣ୍ଣ ପଦକ ଜିତିଛନ୍ତି । ୧୦୦ ମିଟରରେ ଜାମାଇକାର ଶିରିକା ଜ୍ୟାକସନ (୧୦.୬୭) ଓ ଏଲିନା ଥମସନ (୧୦.୮୧) ଯଥାକ୍ରମେ ରୌପ୍ୟ ଏବଂ ବ୍ରୋଞ୍ଜ ପଦକ ଜିତିଥିଲେ । ଏହା ପୂର୍ବରୁ ଗତ କାଲି ଆମେରିକା ପୁରୁଷ ୧୦୦ ମିଟରରେ କ୍ଲିନ ସୁଇପ କରିଥିଲା । ଫ୍ରେଡ କେର୍ଲି(୯.୮୬ ସେକେଣ୍ଡ) ସ୍ୱର୍ଣ୍ଣ ପଦକ ହାସଲ କରିଥିବା ବେଳେ ମାର୍ଭିନ ବ୍ରେସି(୯.୮୮) ରୌପ୍ୟ ଏବଂ ଟ୍ରେଭନ ବ୍ରୋମେଲ (୯.୮୮) ବ୍ରୋଞ୍ଜ ପଦକ ହାତେଇଥିଲେ । ବିଶ୍ୱ ଚାମ୍ପିୟନଶିପରେ ଫ୍ରେଡଙ୍କ ଏହା ପ୍ରଥମ ବ୍ୟକ୍ତିଗତ ସ୍ୱର୍ଣ୍ଣ ପଦକ । ସେ ବିଶ୍ୱ ରେକର୍ଡ ଟାଇମିଂଠାରୁ ୩୦ ମାଇକ୍ରୋ ସେକେଣ୍ଡ ଦୂରରେ ରହିଥିଲେ ।
Comments are closed.