ଉଜୈନି: ବିଶ୍ୱ ପ୍ରସିଦ୍ଧ ଜ୍ୟୋତିର୍ଲିଙ୍ଗ ମହାକାଳେଶ୍ୱର ମନ୍ଦିରରେ ବାବା ମହାକାଳଙ୍କ ବିବାହ ଉତ୍ସବ ଆରମ୍ଭ ହୋଇଛି । ଫାଲଗୁନ କୃଷ୍ଣ ଚତୁର୍ଦ୍ଦଶୀରେ ମହାଶିବରାତ୍ରୀ ଦିନ ବାବା ମହାକାଳ ବର ହେବେ । ସେଦିନ ତାଙ୍କ ଦେବୀ ପାର୍ବତୀଙ୍କ ସହ ବିବାହ ହେବ । କିନ୍ତୁ ଏହାପୂର୍ବରୁ ମହାକାଳ ମନ୍ଦିରରେ ଶିବ ନବରାତ୍ରୀ ବା ଶିବରାତ୍ରୀ ପାଳନ କରାଯାଏ। ଏହି ୯ ଦିନର ଆୟୋଜନ ଅତ୍ୟନ୍ତ ସ୍ୱତନ୍ତ୍ର | ଏଥିରେ ବାବା ମହାକାଳଙ୍କୁ ପ୍ରତିଦିନ ବିଭିନ୍ନ ରୂପରେ ସଜାଯାଇଥାଏ ଏବଂ ବହୁ ସଂଖ୍ୟାରେ ଭକ୍ତ ଏଠାରେ ଦର୍ଶନ ପାଇଁ ଏକତ୍ରିତ ହୋଇଥାଆନ୍ତି । ଶିବ ନବରାତ୍ରୀ ୨୯ ଫେବୃଆରୀରୁ ଉଜୈନର ମହାକାଳ ମନ୍ଦିରରେ ଆରମ୍ଭ ହୋଇଛି । ଫାଲଗୁନ କୃଷ୍ଣ ଷଷ୍ଠୀ, ଅର୍ଥାତ୍ ଗତକାଲି ବାବା ମହାକାଳଙ୍କୁ ଶେଶନାଗ ବେଶରେ ସଜ୍ଜିତ କରାଯାଇଥିଲା |
ଶିବ ନବରାତ୍ରୀର ଦ୍ୱିତୀୟ ଦିନରେ ବାବା ମହାକାଳଙ୍କୁ ଶେଶନାଗର ମୁକୁଟ ପିନ୍ଧିଯାଇ ରାଜା ଭାବରେ ସଜ୍ଜିତ କରାଯାଇଥିଲା । ବାବା ମହାକାଳଙ୍କ ଶୃଙ୍ଗାରରେ ଭାଙ୍ଗ, ଫଳ ଏବଂ ରୂପା ଅଳଙ୍କାର ବ୍ୟବହାର କରାଯାଏ | କୁହାଯାଏ ଯେ, ଶେଶନାଗ ପୃଥିବୀକୁ ନିଜ ମସ୍ତକରେ ରଖିଛନ୍ତି ଏବଂ ମହାଦେବ ସେହି ଶେଶନାଗଙ୍କୁ ତାଙ୍କ ଗଳାରେ ଧାରଣ ଧରିଛନ୍ତି। କୁହାଯାଏ ଯେ, ବାବା ମହାକାଳଙ୍କୁ ଶେଷନାଗ ବେଶରେ ଦର୍ଯନ କଲେ ଶକ୍ତି ମିଳିଥାଏ । ଏହା ସହ ମୋହ ମାୟାରୁ ମୁକ୍ତି ମିଳିବା ସହ ସଫଳତା ପ୍ରାପ୍ତ ହୋଇଥାଏ । ସେଥିପାଇଁ ବାବା ମହାକାଳଙ୍କ ଏହି ବେଶ ଦର୍ଶନ କରିବା ପାଇଁ ଦେଶର କୋଣ ଅନୁକୋଣରୁ ଶ୍ରଦ୍ଧାଳୁ ମାନେ ଏଠାକୁ ଆସିଥାଆନ୍ତି ।
ଶିବ ନବରାତ୍ରୀର ୯ଦିନ ଯାଗ ବାବା ମହାକାଳଙ୍କୁ ବିଭିନ୍ନ ରୂପରେ ବେଶ କରାଯାଏ । ଚଳିତ ବର୍ଷ ମାର୍ଚ୍ଚ ୧ ତାରିଖରେ ବାବା ଶେଶନାଗ ବେଶରେ ଭକ୍ତ ମାନଙ୍କୁ ଦର୍ଶନ ଦେଇଛନ୍ତି । ସେହିପରି ଆଜି ବାବା ଘାଟାଟୋପ, ମାର୍ଚ୍ଚ ୩ ରେ ଛବିନା, ମାର୍ଚ୍ଚ ୪ ରେ ହୋଲକର ବେଶ, ମାର୍ଚ୍ଚ ୫ ରେ ମନମହେଶ ବେଶ, ମାର୍ଚ୍ଚ ୬ ରେ ଉମାମହେଶ ବେଶ, ମାର୍ଚ୍ଚ ୭ ରେ ଶିବତାଣ୍ଡବ ବେଶ କରାଯିବ । ଶେଷରେ ମାର୍ଚ୍ଚ ୮ ତାରିଖରେ ଅର୍ଥାତ୍ ମହାଶିବରାତ୍ରୀ ଦିନ ବାବା ମହାକାଳଙ୍କୁ ବର ବେଶରେ ସଜ୍ଜିତ କରାଯିବ । ସେଦିନ ପୁରା ଗର୍ଭଗୃହକୁ ଏକ ଫୁଲ ବଙ୍ଗଳା ପରି ସଜାଯିବ । ଏହା ସହିତ ଭଗବାନ ଶିବଙ୍କ ବିବାହ ପର୍ବ ପାଳନ କରାଯିବ । ପ୍ରଭୁଙ୍କ ନିକଟରେ ହଳଦୀ ଏବଂ ଚନ୍ଦନ ଲଗାଇବା ଠାରୁ ଆରମ୍ଭ କରି ମହାକାଳଙ୍କୁ ବର ବେଶ କରିବା, ସମସ୍ତ ରୀତିନୀତି ଅନୁସାରେ ମାତା ପାର୍ବତୀଙ୍କ ସହିତ ତାଙ୍କ ବିବାହ ଉତ୍ସବ ପାଳନ କରାଯିବ ।
ମହାଶିବରାତ୍ରୀ ଦିନ ମହାକାଳ ମନ୍ଦିରରେ ଏକ ବିଶାଳ କାର୍ଯ୍ୟକ୍ରମର ଆୟୋଜିତ ହୋଇଛି | ଚଳିତ ବର୍ଷ ମହାଶିବରାତ୍ରୀରେ ଭକ୍ତମାନେ ୪୪ ଘଣ୍ଟା ଧରି କ୍ରମାଗତ ଭାବରେ ମହାକାଳ ବାବାଙ୍କ ଦର୍ଶନ ପାଇପାରିବେ। ମାର୍ଚ୍ଚ ୮ତାରିଖରେ ଭସ୍ମ ଆରତୀ ପରେ ମନ୍ଦିର ଖୋଲିବ । ଏହା ପରେ ସକାଳ ୭:୩୦ରୁ ୮:୧୫ ପର୍ଯ୍ୟନ୍ତ ଦଦ୍ଧୋଦକ ଆରତୀ, ସକାଳ ୧୦:୩୦ ରୁ ୧୧:୧୫ ପର୍ଯ୍ୟନ୍ତ ଭୋଗ ଆରତୀ, ମଧ୍ୟାହ୍ନ ୧୨ ଟାରୁ ୧ ଟା ପର୍ଯ୍ୟନ୍ତ ଅଭିଷେକ ପୂଜା ଅନୁଷ୍ଠିତ ହେବ । ମହାଶିବରାତ୍ରୀର ପରଦିନ ଅର୍ଥାତ୍ ମାର୍ଚ୍ଚ ୯ ତାରିଖ ଦିନ ସପ୍ତ ଧାନ୍ୟ ବାବା ମହାକାଳଙ୍କୁ ଅର୍ପଣ କରାଯିବ । ତା’ପରେ ଭକ୍ତମାନେ ସେହରାରେ ସଜାଯାଇଥିବା ମହାକାଳଙ୍କର ଦର୍ଶନ ପାଇବେ |