ମାଲକାନଗିରି: ରାଜ୍ୟରେ ଅନେକ ସଚେତନତା କାର୍ଯ୍ୟକ୍ରମ ପରେ ମଧ୍ୟ ଓଡ଼ିଶାର ଗ୍ରାମାଞ୍ଚଳ ମାନଙ୍କରେ ଆଜିବି ଅନ୍ଧବିଶ୍ୱାସ ମଧ୍ୟମରେ ଚିକିତ୍ସା ଜାରି ରହିଛି ।
ଏଭଳି ଏକ ଘଟଣାଟି ଦେଖିବାକୁ ମିଳିଛି ମାଲକାନଗିରି ଜିଲ୍ଲା ତେଲରାଇ ପଞ୍ଚାୟତର ଉମରଗୁଣ୍ଡା ଗ୍ରାମରେ ।
ମିଳିଥିବା ସୂଚନା ଅନୁସାରେ ଦୁଲେ ବେଟି ନାମକ ଜଣେ ୩୮ ବର୍ଷୀୟ ମହିଳା ଗତ ତିନିଦିନ ହେବ ଜ୍ଵରରେ ପିଡୀତ ଥିଲେ । ଚିକିତ୍ସା ପାଇଁ ଡାକ୍ତରଙ୍କ ପାଖକୁ ଯିବା ବଦଳରେ ମହିଳା ଜଣକ ଗୁଣିଆ ପାଖକୁ ଯାଇଥିଲେ ।
ଗୁଣିଆ ଜଣଙ୍କର ନାମ କୋସ ବେଟି ବୋଲି ଜଣାପଡ଼ିଛି । ଜ୍ୱର ଭଲ କରିବା ପାଇଁ ଗୁଣିଆ ଅନେକ ମନ୍ତ୍ରତନ୍ତ୍ର ପଢିବା ସହ ମହିଳାଙ୍କୁ ଅମାନୁଷିକ ଭାବେ ଅନେକଥର କାମୁଡିଥିବାର ଜଣାପଡିଛି ।
ଆହୁରି ଆଶ୍ଚର୍ଯ୍ୟଜନକ କଥା ହେଉଛି ଯେ, ଏହି ପଦ୍ଧତିରେ ଅନେକ କୁକୁର ଓ ସାପ କାମୁଡ଼ା ରୋଗୀଙ୍କୁ ଭଲ କରିଥିବା କୋସା ଦାବି କରିଛି ।
ଅଙ୍ଗନବାଡି କର୍ମଚାରୀଙ୍କ ସୂଚନା ମୁତାବକ ଗାଁ ଲୋକଙ୍କ ମନରେ ଅନ୍ଧବିଶ୍ୱାସ ଆଜିବି ଭରିହୋଇ ରହିଛି, ଏଥିପାଇଁ ଅନେକ ଲୋକ ଡାକ୍ତରୀ ଚିକିତ୍ସା ବିନା ପ୍ରାଣ ହରାଉଛନ୍ତି ।
Comments are closed.