ଭୁବନେଶ୍ୱର:ଖୁବ୍ଶୀଘ୍ର ମୁକ୍ତିଲାଭ କରିବାକୁ ଯାଉଛି ନୂଆ ଓଡ଼ିଆ ଫିଲ୍ମ ‘ମାମା ୱେଡ଼ସ ପାପା’ । ଫିଲ୍ମରେ ଛୋଟ ଝିଅଟିଏ କିଭଳି ଓ କାହିଁକି ନିଜ ବାପା-ମାଆଙ୍କ ବିବାହ କରାଉଛି, ଏହା ଶୁଣିଲେ ନିଶ୍ଚିତ ଭାବେ ସମସ୍ତଙ୍କୁ ଆଶ୍ଚର୍ଯ୍ୟ ଲାଗିବ । ହେଲେ ଏଭଳି କାହିଁକି ଘଟୁଛି, କେଉଁ ପରିସ୍ଥିତିରେ ଘଟୁଛି ଏବଂ ଏହାଦ୍ୱାରା କି ପରିଣାମ ହେଉଛି ତାହା ଏହି ଫିଲ୍ମରେ ପରିବେଷିତ ହୋଇଛି ।
ଶ୍ରୀହାନ୍ କ୍ରିଏସନ୍ସ ନିବେଦିତ ଚଳଚ୍ଚିତ୍ର ‘ମାମା ୱେଡ଼ସ୍ ପାପା’ରେ ନାୟକ ଭାବେ ଅଭିଷେକ ଥିବା ବେଳେ ରିତିଶା ଓ ପ୍ରିୟଙ୍କା ଦୁଇ ଜଣ ନାୟିକା ଅଛନ୍ତି । ଏହାର ପ୍ରଯୋଜନା କରିଛନ୍ତି ବି. ଚନ୍ଦ୍ରପ୍ରିୟା ସୁବୁଦ୍ଧି । ଅନ୍ୟ ଏକ ପ୍ରମୁଖ ଚରିତ୍ରରେ ଅଛନ୍ତି ବଲିଉଡ଼ର ଅଭିନେତା କ୍ରିଷ୍ଣା । ଅନ୍ୟାନ୍ୟ ଭୂମିକାରେ ଜ୍ୟୋତି ମିଶ୍ର, ଦେବୁ ପଟ୍ଟନାୟକ, ଗୁଡ୍ଡୁ, ଐଶର୍ଯ୍ୟା, ସ୍ମରଣିକା ଅଭିନୟ କରିଥିବା ବେଳେ ଶିଶୁ କଳାକାର ଭାବେ ଅଛନ୍ତି ମୁନ୍ନି । ଏହି ଫିଲ୍ମର କାହାଣୀ ଓ ଚିତ୍ରନାଟ୍ୟ ପ୍ରସ୍ତୁତି ସହ ନିର୍ଦ୍ଦେଶନା ଦେଇଛନ୍ତି ଆପୁ କାନୁନ୍ଗୋ । ସଂଳାପ ରଚନା କରିଛନ୍ତି ଚିନ୍ମୟ ଦାସ ପଟ୍ଟନାୟକ ଏବଂ ସଙ୍ଗୀତ ସଜାଇଛନ୍ତି ଅସାଦ ନିଜାମ । ଗୀତ ରଚନା କରିଛନ୍ତି ଅରୁଣ ମନ୍ତ୍ରୀ । ଚଳିତମାସ ଶେଷ ଆଡ଼କୁ ଏହି ଫିଲ୍ମଟି ମୁକ୍ତିଲାଭ କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଜଣାଯାଇଛି ।
Comments are closed.