ମୁମ୍ବାଇ: କବୀର ଖାଁଙ୍କ ଚନ୍ଦୁ ଚାମ୍ପିୟନ ଫିଲ୍ମରେ କାର୍ତିକ ଆର୍ଯ୍ୟନଙ୍କ ସହ ଶ୍ରଦ୍ଧା କାପୁର ଅଭିନୟ କରିବେ ବୋଲି ବଲିଉଡ ହଙ୍ଗାମାରେ ଖବର ପ୍ରକାଶ ପାଇଛି । ମେକର୍ସ କାର୍ତିକଙ୍କ ସହ ଏକ ଫ୍ରେଶ ଯୋଡି ଚାହୁଁଥିଲେ । ଶ୍ରଦ୍ଧା ମଧ୍ୟ ଏହି ଫିଲ୍ମରେ ଅଭିନୟ କରିବା ନେଇ ରାଜି ହୋଇଛନ୍ତି । ଏହି ସ୍ପୋର୍ଟ୍ସ ଡ୍ରାମା ମୁରଲୀକାନ୍ତ ପେଟକରଙ୍କ ଜୀବନୀ ଉପରେ ଆଧାରିତ । ମୂରଲୀକାନ୍ତ ୧୯୭୦ ରାଜ୍ୟଗୋଷ୍ଠୀ କ୍ରୀଡା ଓ ୧୯୭୨ ଜର୍ମାନୀ ପାରା ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତି ଭାରତକୁ ଗୌରବାନ୍ୱିତ କରିଥିଲେ । ୨୦୧୬ରେ ଏହି ଫିଲ୍ମ କରିବା ପାଇଁ ସୁଶାନ୍ତ ସିଂ ରାଜପୁତ ବିଶେଷ ଆଗ୍ରହ ପ୍ରକାଶ କରିଥିଲେ ।
ମାତ୍ର ତାଙ୍କ ମୃତ୍ୟୁ ପରେ ଏହି ଫିଲ୍ମ ପ୍ରତି ମେକର୍ସଙ୍କ ଆଗ୍ରହ କମି ଯାଇଥିଲା । କାର୍ତିକ ସାଜିଦ ନାଡିୟାଡୱାଲାଙ୍କ ସହ ଆଲୋଚନା କରିବା ପରେ ଏହା ପୁନର୍ବାର ଟ୍ରାକକୁ ଫେରିଛି । କାର୍ତିକ ଓ ଶ୍ରଦ୍ଧାଙ୍କ ଯୋଡିଙ୍କୁ ଦର୍ଶକ ବେଶ ପସନ୍ଦ କରିବେ ବୋଲି କବୀର ଆଶା ବ୍ୟକ୍ତ କରିଛନ୍ତି । ବିଧିବଦ୍ଧ ଭାବେ ଷ୍ଟାର କାଷ୍ଟ ଫାଇନାଲ ହେବା ପରେ ଏହାର ଶୁଟିଂ ଆରମ୍ଭ ହେବ । ୧୪ ଜୁନ ୨୦୨୪ରେ ଏହାକୁ ରିଲିଜ କରିବା ପାଇଁ ସ୍ଥିର କରାଯାଇଛି ।
Comments are closed.