ନୂଆଦିଲ୍ଲୀ:ୱେଷ୍ଟଇଣ୍ଡିଜ୍ ବିପକ୍ଷ ଓଡ଼ିଆଇ ସିରିଜ୍ରେ ୨-୦ର ଅଜେୟ ଅଗ୍ରଣୀ ହାସଲ କରିବା ପରେ ରୋହିତ ଶର୍ମା ଏବଂ ବିରାଟ କୋହଲିଙ୍କ ଅଭିଜ୍ଞତାକୁ ନେଇ ଭାରତୀୟ ଦଳର ଅଧିନାୟକ ଶୁଭମନ୍ ଗିଲ୍ ବଡ ବୟାନ ଦେଇଛନ୍ତିି । ସେ ସ୍ପଷ୍ଟ ଭାବେ କହିଛନ୍ତି ଯେ, ଏହି ଦୁଇ ମହାନ ଖେଳାଳିଙ୍କ ଉପସ୍ଥିତି ତାଙ୍କୁ ଫାଇଦାରେ ରଖୁଛି । ଗିଲ୍ କହିଛନ୍ତି ଯେ ଦଳରେ ଏହି ଦୁଇ ଖେଳାଳିଙ୍କ ଉପସ୍ଥିତି ତାଙ୍କ ପାଇଁ ଏବଂ ପୂରା ଟିମ୍ ପାଇଁ ଅତ୍ୟନ୍ତ ମୂଲ୍ୟବାନ । ବିରାଟ ଭାଇ ହେଉଛନ୍ତି ବିଶ୍ୱର ଶ୍ରେଷ୍ଠ ଓଡ଼ିଆଇ ବ୍ୟାଟର ଏବଂ ରୋହିତ ଭାଇ ଶ୍ରେଷ୍ଠ ଓଡ଼ିଆଇ ଓପନର । ଏହି ଦୁଇଜଣ ଦଳରେ ରହିବା ଏବଂ ସେମାନଙ୍କ ଅଭିଜ୍ଞତା ମୋ ପାଇଁ ଏକ ବଡ଼ ସୌଭାଗ୍ୟ ।
ନିଷ୍ପତ୍ତି ନେବା ପ୍ରକ୍ରିୟା ବାବଦରେ ଗିଲ୍ କହିଛନ୍ତି ଯେ ସେ କେବଳ ରୋହିତ କିମ୍ବା ବିରାଟ ନୁହଁନ୍ତି, ବରଂ କେ.ଏଲ୍. ରାହୁଲ ଓ ଶ୍ରେୟସ ଆୟରଙ୍କ ଭଳି ଅଭିଜ୍ଞ ଖେଳାଳିଙ୍କ ମତାମତ ମଧ୍ୟ ନିଅନ୍ତି । ୱେଷ୍ଟଇଣ୍ଡିଜ୍ ବିପକ୍ଷ ଦ୍ୱିତୀୟ ଓଡ଼ିଆଇରେ ୪୦୬ ରନ୍ର ବିଶାଳ ଲକ୍ଷ୍ୟ ପିଛା କରି ଗିଲ୍ ନାବାଦ ୨୨୩ ରନ୍ର ଐତିହାସିକ ଇନିଂସ ଖେଳି ଭାରତକୁ ଜିତାଇଥିଲେ । ଆଇସିସି ଦ୍ୱାରା ପ୍ରକାଶିତ ୨୦୨୭ ୱାର୍ଲ୍ଡ କପ୍ ସୂଚୀ ଅନୁସାରେ ଭାରତ ଅକ୍ଟୋବର ୭ରେ ଅଷ୍ଟ୍ରେଲିଆ ବିପକ୍ଷରେ କେପଟାଉନ୍ରେ ନିଜର ପ୍ରଥମ ମ୍ୟାଚ୍ ଖେଳିବ ଏବଂ ଅକ୍ଟୋବର ୧୦ରେ ପାକିସ୍ତାନ ସହ ମୁହାଁମୁହିଁ ହେବ ।
