ମୁମ୍ବାଇ: ଅଭିନେତା ସିଦ୍ଧାର୍ଥ ମଲହୋତ୍ରା ଏବଂ ଜାହ୍ନବୀ କପୁର ସେମାନଙ୍କ ଅପକମିଂ ଫିଲ୍ମରେ ଏକାଠି ନଜର ଆସିବେ। ଦୁହେଁ ରୋମାଣ୍ଟିକ୍-କମେଡି ଫିଲ୍ମରେ ସ୍କ୍ରିନ ଶେୟାର କରିବେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଉଛନ୍ତି ତୁଷାର ଜାଲୋଟା।
ଚଳଚ୍ଚିତ୍ରରେ ଦୁଇଟି ଭିନ୍ନ ସଂସ୍କୃତିର ଲୋକଙ୍କ ମଧ୍ୟରେ ଏକ ପ୍ରେମ କାହାଣୀ ଦେଖିବାକୁ ମିଳିବ।
୨୦୨୨ ମସିହାରେ ମୁକ୍ତିଲାଭ କରିଥିବା ଅଭିଷେକ ବଚ୍ଚନଙ୍କ ଫିଲ୍ମ ‘ଦସୱି’ ଜରିଆରେ ତୁଷାର ଲୋକଲୋଚନକୁ ଆସିଥିଲେ। ଏହି ଚଳଚ୍ଚିତ୍ରର ଟାଇଟଲ୍ ହେବ ‘ପରମ ସୁନ୍ଦରୀ’। ତେବେ ଫିଲ୍ମର ପ୍ରି-ପ୍ରଡକ୍ସନ୍ କାମ ଆରମ୍ଭ ହୋଇଯାଇଛି। ତେବେ ଫିଲ୍ମର ସୁଟିଂ ଡିସେମ୍ବରରୁ ଆରମ୍ଭ ହେବ ବୋଲି ଚର୍ଚ୍ଚା ହେଉଛି। ଏହି ଚଳଚ୍ଚିତ୍ରରେ ସିଦ୍ଧାର୍ଥ ଜଣେ ଧନୀ ବ୍ୟବସାୟୀ ଏବଂ ଜାନଭୀ ଜଣେ ଆଧୁନିକ କଳାକାର ଭୂମିକାରେ ଅଭିନୟ କରୁଛନ୍ତି।
ସିଦ୍ଧାର୍ଥ ଉତ୍ତର ଭାରତର ଜଣେ ପୁଅ ଏବଂ ଜାହ୍ନବୀ ଦକ୍ଷିଣ ଅର୍ଥାତ୍ କେରଳର ଜଣେ ଝିଅ ଭୂମିକାରେ ଅଭିନୟ କରିବେ। ତେବେ ଫିଲ୍ମର ସୁଟିଂ ପ୍ରଥମେ ଦିଲ୍ଲୀରେ ଆରମ୍ଭ ହେବ ଓ ପରେ ଏହାର କିଛି ଭାଗ କେରଳ ଏବଂ ମୁମ୍ବାଇରେ ସୁଟ୍ ହେବ ବୋଲି ଜଣାପଡିଛି୲
Comments are closed.