ଗ୍ୟାଙ୍ଗଟକ୍: ମାତୃତ୍ୱ ଛୁଟି ନେଇ ସିକ୍କିମ ସରକାରଙ୍କ ବଡ ନିଷ୍ପତ୍ତି। ଏଣିକି ଯେଉଁ ମହିଳା କର୍ମଚାରୀମାନେ ରାଜ୍ୟରେ ମାଆ ହେବେ ସେମାନଙ୍କୁ ବର୍ଷେ ଛୁଟି ଦିଆଯିବ। ସିକ୍କିମ ମୁଖ୍ୟମନ୍ତ୍ରୀ ପ୍ରେମ ସିଂ ତମାଙ୍ଗ ଏହି ଘୋଷଣା କରିଛନ୍ତି। ରାଜ୍ୟ ସରକାର ମାତୃତ୍ୱ ଛୁଟି ୬ ମାସରୁ ବଢାଇ ବର୍ଷେ କରିଛନ୍ତି। ଏହା ବ୍ୟତୀତ ଶିଶୁର ପିତାଙ୍କୁ ଏକ ମାସ ଛୁଟି ଦେବାର ବ୍ୟବସ୍ଥା ଅଛି। ଏନେଇ ମୁଖ୍ୟମନ୍ତ୍ରୀ କହିଛନ୍ତି ଯେ ଖୁବ୍ ଶୀଘ୍ର ଏହି ସମ୍ବନ୍ଧରେ ନିୟମ ପରିବର୍ତ୍ତନ ହେବ ଏବଂ ଏହି ଯୋଜନା ରାଜ୍ୟରେ କାର୍ଯ୍ୟକାରୀ ହେବ। ଯେଉଁଥିପାଇଁ ରାଜ୍ୟର ହଜାର ହଜାର ମହିଳା ଉପକୃତ ହେବେ।
ସିକ୍କିମ୍ ରାଜ୍ୟ ନାଗରିକ ସେବା ଅଧିକାରୀ ସଂଘ (SSCSOA) ର ବାର୍ଷିକ ସାଧାରଣ ସଭାକୁ ସମ୍ବୋଧିତ କରି ସିକ୍କିମ୍ ମୁଖ୍ୟମନ୍ତ୍ରୀ ତାମାଙ୍ଗ କହିଛନ୍ତି ଯେ ଏହା ସରକାରୀ କର୍ମଚାରୀମାନଙ୍କୁ ସେମାନଙ୍କ ପିଲା ଏବଂ ପରିବାରର ଉତ୍ତମ ଯତ୍ନ ନେବାରେ ସାହାଯ୍ୟ କରିବ। ଖୁବ ଶୀଘ୍ର ଏହାର ବିସ୍ତୃତ ସୂଚନା ଦିଆଯିବ। କୁହାଯାଉଛି ଯେ ଆସନ୍ତା କିଛି ସପ୍ତାହ ମଧ୍ୟରେ ସିକ୍କିମ ସରକାର ଏ ସମ୍ପର୍କରେ ବିଜ୍ଞପ୍ତି ଜାରି କରିବେ।
ମାତୃତ୍ୱ ସୁବିଧା ଅଧିନିୟମ ୧୯୬୧ ଅନୁଯାୟୀ, ଜଣେ କାର୍ଯ୍ୟରତ ମହିଳା ଛଅ ମାସ କିମ୍ବା ୨୬ ସପ୍ତାହ ବେତନ ପ୍ରାପ୍ତ ମାତୃତ୍ୱ ଛୁଟି ପାଇବାକୁ ହକଦାର। ହିମାଚଳ ପ୍ରଦେଶର ସିକ୍କିମ୍ ଦେଶର ସର୍ବନିମ୍ନ ଜନସଂଖ୍ୟା ଏବଂ ଏଠାରେ କେବଳ ୬.୩୨ ଲକ୍ଷ ଲୋକ ବାସ କରନ୍ତି। ଯେଉଁଥିରୁ ଲକ୍ଷ ଲକ୍ଷ ନିଯୁକ୍ତି ପ୍ରାପ୍ତ ବ୍ୟକ୍ତି ବର୍ତ୍ତମାନ ମାତୃତ୍ୱ ଏବଂ ପିତୃତ୍ୱ ଛୁଟି ବୃଦ୍ଧି କରିବାର ସୁବିଧା ପାଇବେ।
Comments are closed.