ଚେନ୍ନାଇ: ତାମିଲନାଡୁ ସେଲିମରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ରାଜରାସ୍ତାରେ ଛିଡା ହୋଇଥିବା ଏଜ ଭ୍ୟାନକୁ ପଛପଟି ଏକ ଟ୍ରକ ଆସି ଧକ୍କା ଦେଇଛି । ଆଜି ଭୋରୁ ଘଟିଥିବା ଏହି ଦୁର୍ଘଟଣାରେ ୬ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ସମସ୍ତ ମୃତକ ଗୋଟିଏ ପରିବାରର ।
ସୂଚନା ଅନୁଯାୟୀ, ଆଜି ଭୋର ପ୍ରାୟ ୪ଟା ସମୟରେ ତାମିଲନାଡୁ ସେଲିମ-ରୋଡ଼ ରାଜପଥରେ ଘଟିଛି ଏକ ଭୟଙ୍କର ଦୁର୍ଘଟଣା । ରାସ୍ତାରେ ଛିଡ଼ା ହୋଇଥିବା ଏକ ଟ୍ରକକୁ ଦ୍ରୁତ ଗତିରେ ଆସି ଧକ୍କା ଦେଇଥିଲା ଏକ ଭ୍ୟାନ୍ । ଫଳରେ ଭ୍ୟାନରେ ଥିବା ୮ ଜଣ ଯାତ୍ରୀଙ୍କ ମଧ୍ୟରୁ ୬ ଜଣଙ୍କର ମୃତ୍ୟୁ ହୋଇଛି । ମୃତକମାନେ ସେଲଭାରାଜ, ମଞ୍ଜୁଳା, ଅରୁମୁଗମ, ପଲାନିସ୍ଵାମି, ପପାପାଥି ଓ ଜଣେ ଏକ ବର୍ଷର ଶିଶୁ ବୋଲି ଜଣାପଡ଼ିଛି । ତେବେ ଏହି ଦୁର୍ଘଟଣାରେ ଭ୍ୟାନ୍ ଡ୍ରାଇଭର ଓ ଅନ୍ୟ ଜଣେ ମହିଳା ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ଦୁଇ ଆହତଙ୍କୁ ହସ୍ପପିଟାଲରେ ଭର୍ତ୍ତି କରାଯାଇଛି । ଅନ୍ୟପଟେ ବ୍ୟବଚ୍ଛେଦ ଲାଗି ସମସ୍ତ ମୃତଦେହକୁ ହସ୍ପପିଟାଲ ନିଆଯାଇଛି । ତେବେ ଏହି ଦୁର୍ଘଟଣା ସମୟର ଦୃଶ୍ୟ ସିସିଟିଭି ଫୁଟେଜରେ କଏଦ ହୋଇଥିବା ବେଳେ ଏହା ଏବେ ସାମ୍ନାକୁ ଆସିଛି । ଏହାରୁ ଆଧାର କରି ପୋଲିସ ତଦନ୍ତ ଆରମ୍ଭ କରିଛି ।
Comments are closed.