ଦୁଇଟି ବ୍ୟାଙ୍କରେ ରହିବ ମହାପ୍ରଭୁଙ୍କ ଟଙ୍କା

ପୁରୀ: ଦୁଇଟି ବ୍ୟାଙ୍କରେ ରହିବ ମହାପ୍ରଭୁଙ୍କ ଟଙ୍କା । ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆ ଓ ବ୍ୟାଙ୍କ ଅଫ୍ ବରୋଦାରେ ଶ୍ରୀମନ୍ଦିର ଟଙ୍କା ରହିବ । ଏନେଇ ୬.୨୬ ସୁଧହାରରେ ଉଭୟଙ୍କୁ ଶ୍ରୀମନ୍ଦିର ପ୍ରଶାସନର ଟେଣ୍ଡର ଦିଆଯାଇଛି ।
ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆ ଓ ବ୍ୟାଙ୍କ ଅଫ୍ ବରୋଦାରେ ମହାପ୍ରଭୁଙ୍କ ୨୮୭ କୋଟି ଟଙ୍କା ରହିବ । ୟେସ୍ ବ୍ୟାଙ୍କରୁ ୩୮୯ କୋଟି ଟଙ୍କା ଆସଥିଲା । ସେଥିମଧ୍ୟରୁ ୧୦୨ କୋଟି ଏସ୍‌ବିଆଇରେ ରଖାଯାଇଛି । ଆଜି ଟେଣ୍ଡର ପ୍ରକ୍ରିୟାରେ ୧୬ଟି ଜାତୀୟକରଣ ବ୍ୟାଙ୍କରୁ ୧୦ଟି ବ୍ୟାଙ୍କ ଭାଗ ନେଇଥିଲେ ।
ପୂର୍ବରୁ ୟେସ୍ ବ୍ୟାଙ୍କରେ ଶ୍ରୀଜଗନ୍ନାଥଙ୍କ ଟଙ୍କା ରହିଥିଲା । ବ୍ୟାଙ୍କ ଦେବାଳିଆ ହେବା ପରେ ମହାପ୍ରଭୁଙ୍କ ଟଙ୍କା ଫେରସ୍ତ ପ୍ରକ୍ରିୟା ନେଇ ବଡ ଧରଣ ବିବାଦ ଉପୁଜିଥିଲା । ତେବେ ଗତ ସପ୍ତାହରେ ୟେସ୍ ବ୍ୟାଙ୍କ ସ୍ଥିତି ସ୍ୱାଭାବିକ ହେବା ସହ ଜଗନ୍ନାଥଙ୍କ ପ୍ରଥମ ପ୍ରର୍ଯ୍ୟାୟ ଟଙ୍କା ଫେରିଛି । ଆଉ ବଳକା ଟଙ୍କା ଆସନ୍ତା ୩୦ ତାରିଖରେ ଫେରିବା ସମ୍ଭାବନା ରହିଛି ।