ଓଡ଼ିଶା ସମ୍ବାଦ ବ୍ୟୁରୋ: ଭାରତ ବର୍ଷରେ ବର୍ତ୍ତମାନ ଧନତେରସ ସହ ପଞ୍ଚଦିବସୀୟ ଦୀପୋତ୍ସବ ପର୍ବ ପାଳନ କରାଯାଉଛି। କିନ୍ତୁ ଆଜି ଅର୍ଥାତ୍ ଅକ୍ଟୋବର ୨୫ ତାରିଖ ଦିନଟି ବର୍ଷର ଦ୍ୱିତୀୟ ସୂର୍ଯ୍ୟୋପରାଗ। ଭାରତରେ ସୂର୍ଯ୍ୟୋପରାଗ ଦିନ ୨ଟା ୨୯ ମିନିଟରେ ଆରମ୍ଭ ହେବ । ପ୍ରାୟ ୪ ଘଣ୍ଟା ୩ ମିନିଟ୍ ଧରି ରହିବ। ଖାଦ୍ୟ ଏବଂ ଦୈନନ୍ଦିନ କାର୍ଯ୍ୟ ସହିତ ଜଡିତ କିଛି କାର୍ଯ୍ୟରେ ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି। ସୂର୍ଯ୍ୟୋପରାଗ ସମୟରେ ଆମର ଶାରୀରିକ ଏବଂ ମାନସିକ ସ୍ୱାସ୍ଥ୍ୟ ଉପରେ ଏହାର କୌଣସି ପ୍ରଭାବ ପଡିଥାଏ କି ନାହିଁ ତାହା ଆମ ମନରେ ସବୁବେଳେ ପ୍ରଶ୍ନ ଉଙ୍କି ମାରେ।
ଏହା ଉପରେ ଅନେକ ଗବେଷଣା ମଧ୍ୟ କରାଯାଇଛି, ଯଦିଓ କୌଣସି ସଠିକ ପ୍ରମାଣ ହାସଲ କରାଯାଇ ନାହିଁ ତଥାପି ଲୋକେ ସୂର୍ଯ୍ୟୋପରାଗ ସମୟରେ ଖାଇବା ନିୟମ ପାଳନ କରନ୍ତି। ସେଥିମଧ୍ୟରୁ ଗୋଟିଏ ହେଉଛି ତୁଳସୀ ପତ୍ରର ବ୍ୟବହାର। କହିବାରକୁ ଗଲେ ତୁଳସୀ ପତ୍ରର ସୂର୍ଯ୍ୟୋପରାଗ ସହ କୌଣସି ସମ୍ପର୍କ ନାହିଁ। ଭାରତରେ ସୂର୍ଯ୍ୟୋପରାଗ ସହିତ ଅନେକ ଧାର୍ମିକ ବିଶ୍ୱାସ ଜଡିତ, ଯେଉଁଥିରେ ଖାଇବା ପିଇବା ନିଷେଧ ରହିଛି। ଲୋକମାନେ ଖାଦ୍ୟରେ ତୁଳସୀ ପତ୍ର ରଖନ୍ତି। ଖାଦ୍ୟ ଉପରେ ସୂର୍ଯ୍ୟୋପରାଗର ପ୍ରଭାବ ପଡିବା ନେଇ ପୁବମେଡ ସେଣ୍ଟ୍ରାଲ୍ ଅନେକ ଗବେଷଣା କରିଛି। ଏହି ଗବେଷଣା ଅନୁଯାୟୀ, ସୂର୍ଯ୍ୟୋପରାଗ ଲାଗିଥିବା ଖାଦ୍ୟ ଉପରେ କୌଣସି ପ୍ରଭାବ ପକାଇବ ନାହିଁ।
ସୂର୍ଯ୍ୟୋପରାଗ ସମୟରେ ଖାଦ୍ୟରେ ତୁଳସୀ ପତ୍ର ରଖି ଏହାକୁ ଖାଇବା ଲାଭଦାୟକ ହୋଇପାରେ ବୋଲି କୌଣସି ବୈଜ୍ଞାନିକ ପ୍ରମାଣ ନାହିଁ। ଧାର୍ମିକ ବିଶ୍ୱାସ ଅନୁଯାୟୀ ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସୂର୍ଯ୍ୟୋପରାଗ ଲାଗିବା ପରେ କୌଣସି ଖାଦ୍ୟ ଖାଇବା ଉଚିତ୍ ନୁହେଁ। କାରଣ ସୂର୍ଯ୍ୟ କିରଣ ପରିବେଶରେ ନକାରାତ୍ମକ ପ୍ରଭାବ ପକାଇଥାଏ। ତୁଳସୀ ପତ୍ରର ଏପରି ନକାରାତ୍ମକ ପ୍ରଭାବ ହ୍ରାସ କରିବାର କ୍ଷମତା ଅଛି ବୋଲି କୁହାଯାଏ। ତେଣୁ ଖାଦ୍ୟରେ ତୁଳସୀ ପତ୍ର ମିଶାଇ ଏହାକୁ ଖାଇବା ଉଚିତ୍।
ସୂର୍ଯ୍ୟୋପରାଗ ବେଳେ ଖାଦ୍ୟରେ ତୁଳସୀ ପତ୍ରର କୌଣସି ପ୍ରତ୍ୟକ୍ଷ ସମ୍ପର୍କ ନଥିଲେ ମଧ୍ୟ ଏହି ପତ୍ର ସ୍ୱାସ୍ଥ୍ୟ ପାଇଁ ମଧ୍ୟ ଅନେକ ଲାଭଦାୟକ। ଆୟୁର୍ବେଦରେ ତୁଳସୀର ବିଶେଷ ଗୁରୁତ୍ୱ ମଧ୍ୟ କୁହାଯାଇଛି। ଏଥିରେ ଓମେଗା-ଫ୍ୟାଟି ଏସିଡ୍ ଏବଂ ପଲିଫେନୋଲ୍ ଭଳି ଅତ୍ୟାବଶ୍ୟକ ଉପାଦାନ ରହିଥାଏ ଏବଂ ତୁଳସୀ ମଞ୍ଜିରେ ଏହାର ପରିମାଣ ଅଧିକ ଥାଏ।
Comments are closed.