ଭୁବନେଶ୍ୱର: ରାଜ୍ୟର ଯେକୌଣସି ସର୍ବସାଧାରଣ ସ୍ଥାନରେ ଏଣିକି ବାହାରେ ଛେପ ପକାଇଲେ ଜୋରିମାନା ଦେବାକୁ ପଡିବ । ଏସମ୍ପର୍କରେ ସୂଚନା ଦେଇ ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ ମହାମାରୀ ବିପର୍ଯ୍ୟୟ ଆଇନ ୧୮୯୭ ଅନ୍ତର୍ଗତ କୋଭିଡ୍୧୯ ନିୟମାବଳୀ ଆଧାରରେ ସ୍ୱାସ୍ଥ୍ୟ ବିଭାଗ ପକ୍ଷରୁ ଗୁରୁବାର ଠାରୁ ଏହାକୁ ଦଣ୍ଡନୀୟ ଅପରାଧ ବିବେଚନା କରାଯାଇଥିବା କହିଛନ୍ତି ।
ଏହା ଉଲଂଘନ କରି ବାହାରେ ଛେପ ପକାଉଥିବା ବ୍ୟକ୍ତିଙ୍କୁ ପ୍ରଥମ ଥର ଅପରାଧ ପାଇଁ ୨୦୦ ଟଙ୍କା ଜୋରିମାନା ବ୍ୟବସ୍ଥା ରହିଥିବା ବେଳେ ପରବର୍ତ୍ତୀ ଅପରାଧ ପାଇଁ ୫୦୦ ଟଙ୍କା ଲେଖାଏଁ ଜୋରିମାନା ଦେବାକୁ ପଡିବ ବୋଲି ସେ ସୂଚନା ଦେଇଛନ୍ତି ।
ଏହି ଜୋରିମାନା ବ୍ଳକ୍ ଏକ୍ସଟେନ୍ସନ୍ ଅଫିସର, ଅତିରିକ୍ତ ତହସିଲଦାର, ପୋଲିସର ଆସିଷ୍ଟାଣ୍ଟ ସବ୍ ଇନିସ୍ପେକ୍ଟର ଏବଂ ମ୍ୟୁନିସିପାଲିଟିର ୱାର୍ଡ ଅଧିକାରୀମାନେ ଲାଗୁ କରିବେ ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ପ୍ରଥମେ ଗଞ୍ଜାମ ଜିଲ୍ଲାରେ ଏହିଭଳି ଜୋରିମାନା ଆଦାୟ ଆରମ୍ଭ ହୋଇଥିବାେ ବେଳେ ପରବର୍ତ୍ତୀ ସମୟରେ ଭଦ୍ରକ ଜିଲ୍ଲାରେ ଏହା ଲାଗୁ ହୋଇଥିଲା ।