ଅନୁଗୁଳ: ପାଲଲହଡା ବିଇଓ ଅଫିସର ଜେଇ ଗିରଫ । ଜେଇ ପ୍ରସନ୍ନ କୁମାର ପାଣି ଭିଜିଲାନ୍ସ ବିଭାଗ ଗିରଫ କରିଛି । ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ପ୍ରସନ୍ନଙ୍କୁ ଗିରଫ କରାଯାଇଛି । ଗତକାଲି ତାଙ୍କ ବାସଭବନରେ ଭିଜିଲାନ୍ସ ଟିମ୍ ଚଢାଉ କରିଥିଲା । ଫଳରେ ବିପୁଳ ପରିମାଣର ସମ୍ପତ୍ତି ଠାବ ହୋଇଥିଲା । ମୋଟ୍ ୨୬ଟି ପ୍ଲଟ୍ , ୬୪ ଲକ୍ଷ ଟଙ୍କାର ଡିପୋଜିଟ୍ ଠାବ କରାଯାଇଥିଲା । ୮୩୨ ଗ୍ରାମ୍ ସୁନା ଅଳଙ୍କାର ସହ ନଗଦ ୩.୩୩ ଲକ୍ଷ ଟଙ୍କା ଠାବ କରାଯାଇଥିଲା ।
ଗତକାଲି ଚଢାଉ ବେଳେ ଭୁବନେଶ୍ବର ସୁନ୍ଦରପଦା ଏବରଙ୍ଗାଠାରେ ଏକ ତିନି ମହଲା କୋଠା , ତ୍ରିଲୋଚନ ବିହାରରେ ଏକ କୋଠା , ସୁନ୍ଦରପଦା ଫ୍ରେଣ୍ଡର୍ସ କ୍ଲବରେ ଏକ ତିନି ମହଲା କୋଠା , ହାଇଟେକ୍ ପ୍ଲାଜାରେ ଏକ ଫ୍ଲାଟ୍ , ପୁରୀ ନିମାପଡା ଅମଲାପଡାରେ ତିନି ମହଲା କୋଠା ଠାବ ହୋଇଥିଲା । ଭୁବନେଶ୍ୱର, କଟକ, ପିପିଲି ଏବଂ ପୁରୀ ନିମାପଡା, ଜାନକିଆ ଏବଂ ଖୋର୍ଦ୍ଧା ଜଟଣୀରୁ ୧୭ଟି ପ୍ଲଟ୍ ଠାବ କରାଯାଇଛି । ଭୁବନେଶ୍ବର ସୁନ୍ଦରପଦାରୁ ବିଭିନ୍ନ ଜମି ମଧ୍ୟ ଠାବ କରାଯାଇଛି । ଏହାବ୍ୟତୀତ ନଗଦ ୩.୨୧ ଲକ୍ଷ ଟଙ୍କା , ୫୧ ଲକ୍ଷରୁ ଉର୍ଦ୍ଧ୍ବ ବ୍ୟାଙ୍କ ଓ ବୀମା ଜମା , ଏବଂ ଗୋଟିଏ ଚାରିଚକିଆ ଯାନ ଓ ୩ଟି ଦୁଇ ଚକିଆ ଯାନ ଠାବ କରିଥିଲା ଟିମ୍ ।
Comments are closed.