ରାଉରକେଲା: ମହିଳା ସବ ଜୁନିୟର ହକି ରାଉରକେଲାର ବିର୍ସା ମୁଣ୍ଡା ଷ୍ଟାଡିୟମରେ ଆରମ୍ଭ ହୋଇଯାଇଛି । ହକିର ପ୍ରାଣକେନ୍ଦ୍ରରେ ଏହି ଚାମ୍ପିୟନଶିପ ଆୟୋଜିତ ହେବାକୁ ବିଭିନ୍ନ ମହଲରେ ସ୍ୱାଗତ କରାଯାଇଛି । ଓଡିଶା ତାର ପ୍ରଥମ ମ୍ୟାଚରେ ଧମାକାଦାର ଷ୍ଟାଇଲରେ ଅଭିଯାନ ଆରମ୍ଭ କରିଛି । ଓଡିଶା ୨୦-୦ର ବୃହତ ବ୍ୟବଧାନରେ କେରଳକୁ ପରାସ୍ତ କରିଛି । ଏହି ମ୍ୟାଚରେ ଓଡିଶା ଆଗରେ ସମ୍ପୂର୍ଣ୍ଣ ଭାବେ ପ୍ରଭାବହୀନ ହୋଇଥିଲା କେରଳ । ଆରମ୍ଭରୁ ଆକ୍ରମଣାତ୍ମକ ପ୍ରଦର୍ଶନ କରି ଓଡିଶାର ଖେଳାଳିମାନେ ଗୋଟିଏ ପରେ ଗୋଟିଏ ଗୋଲ ଦେଇ ଚାଲିଥିଲେ ।
ଦ୍ୱିତୀୟ ମ୍ୟାଚ ମଣିପୁର ଓ ଗୁଜରାଟ ମଧ୍ୟରେ ଖେଳା ଯାଇଥିଲା । ମଣିପୁର ୩-୦ରେ ଏହି ମ୍ୟାଚରେ ବିଜୟ ହାସଲ କରିଥିଲା । ଅନ୍ୟ ଏକ ମୁକାବିଲାରେ ଚଣ୍ଡୀଗଡ ୨୫-୦ ଗୋଲରେ ଗୋଆକୁ ହରାଇଛି । ସୁପ୍ରିୟା ସର୍ବାଧିକ ୮ଟି ଗୋଲ ସ୍କୋର କରିଥିଲେ । ପଞ୍ଜାବ ଓ ଆନ୍ଧ୍ରପ୍ରଦେଶ ମ୍ୟାଚ ୩-୩ ଗୋଲରେ ଡ୍ର ରହିଛି । ଏହି ଚାମ୍ପିୟନଶିପରେ ଭାରତର ୨୮ଟି ରାଜ୍ୟର ଟିମ ଖେଳୁଛନ୍ତି ।
Comments are closed.