ଭୁବନେଶ୍ୱର: କରୋନାକୁ କରନି କୁଣିଆ । ବେଳ ଥାଉ ସଜାଗ ହୁଅ । ସଚେତନ ରୁହ । ସରକାର ୨୧ ଦିନର ତାଲା ବନ୍ଦ ନିର୍ଦ୍ଦେଶ ଦେଇଛନ୍ତି । ଏହି ସମୟରେ ଅଯଥାରେ ଘରୁ ବାହାରି କରୋନା ଭୂତାଣୁକୁ କୁଣିଆ କରି ଘରକୁ ଡାକନ୍ତୁ ନାହିଁ ବୋଲି ରାଜ୍ୟ ସରକାରଙ୍କ କୋଭିଡ-୧୯ ମୁଖପାତ୍ର ସୁବ୍ରତ ବାଗଚୀ କହିଛନ୍ତି ।
ବର୍ତ୍ତମାନ ଦେଶ ଦ୍ୱିତୀୟ ପର୍ଯ୍ୟାୟରେ ଅଛି । ତୃତୀୟ ପର୍ୟ୍ୟାୟରେ ପହଞ୍ଚିବା ପୂର୍ବରୁ ସରକାର ବ୍ୟାପକ ପଦକ୍ଷେପ ନେଇଛନ୍ତି। କାରଣ ତୃତୀୟ ପର୍ୟ୍ୟାୟରୁ ୪ର୍ଥ ପର୍ୟ୍ୟାୟରେ ପହଞ୍ଚିବା ବଡ଼ କଥା ନୁହେଁ। ଯଦି ଭାରତରେ କରୋନା ଭାଇରସ ୪ର୍ଥ ପର୍ୟ୍ୟାୟରେ ପହଞ୍ଚି ଯାଏ,ତେବେ ପରିସ୍ଥିତି ଅଣାୟତ୍ତ ହୋଇଯିବ । ତେଣୁ ଏବେ ସତର୍କତାର ସହିତ ଆମକୁ ବଞ୍ଚିବାର ଅଛି ବୋଲି ସେ ପରାମର୍ଶ ଦେଇଛନ୍ତି।
ବାଗଚୀ କହିଛନ୍ତି, ହାତ ଧୋଇବା, ସାମାଜିକ ଦୂରତ୍ୱ ରକ୍ଷା କରିବା, ଲକ୍ଡାଉନ ରହିବା, ସଂକ୍ରମଣ ଆଶଙ୍କା ହେଲେ ୧୦୪କୁ ଫୋନ୍ କରିବା। ସେମାନେ ନିଷ୍ପତ୍ତି ନେବେ ଆପଣଙ୍କ ଚିକିତ୍ସା ପାଇଁ କ’ଣ କରାଯିବ। କରୋନା ହସ୍ପିଟାଲ ବିପଦଜନକ ମୁକାବିଲା ପାଇଁ କାମ କରିବ। ଜରୁରୀ ନହେଲେ ୨ରୁ ୩ ସପ୍ତାହ ଡାକ୍ତରଖାନାକୁ ଯାଆନ୍ତୁ ନାହିଁ ବୋଲି ବାଗଚୀ କହିଛନ୍ତି ।
Comments are closed.