ଭୁବନେଶ୍ୱର: ଟ୍ୱିନସିଟିରେ ଆରମ୍ଭ ହେଲା ଦିନିକିଆ ପାସ୍ ବ୍ୟବସ୍ଥା । ଜରୁରୀକାମରେ ବାହାରକୁ ବହାରୁଥିବା ଲୋକଙ୍କ ପାଇଁ ଦିନିକିଆ ପାସ୍ ବ୍ୟବସ୍ଥା କରିଛି କମିଶନରେଟ୍ ପୋଲିସ । ଏଥିପାଇଁ ଏକ ଜରୁରୀକାଳିନ ଷ୍ଟିକର ବ୍ୟବସ୍ଥା କରାଯାଇଛି ।
ଯାତ୍ରୀ ନେଉଥିବା ଗାଡିର ସାମ୍ନା ପଟରେ ଷ୍ଟିକର ଭାବେ ଏହି ପାସକୁ ଲଗାଯାଉଛି । ଫଳରେ ବିନା ବିଧାରେ ସବୁ ଚେକ ପଏଣ୍ଟରେ ଯାତ୍ରୀମାନେ ମୁକ୍ତ ଭାବେ ଚଳାଚଳ କରିପାରିବେ । ଏଥିସହ ନିଜ ଜରୁରୀ କାମ ସାରି ପାରିବେ ।
ଟ୍ୱିନସିଟିର ପ୍ରତି ଛକରେ ବାରମ୍ବାର ଚେକିଂରୁ ଦୂରେଇ ରହିବା ପାଇଁ ଏଭଳି ବ୍ୟବସ୍ଥା ଆପଣାଇଛି ପୋଲିସ କମିଶନର । ଏହି ପାସ ବଳରେ ଆପଣ ଯଦି ଘରୁ ବାହାରୁଛନ୍ତି ତେବେ ଗୋଟିଏ ଦିନର କାମ ଶେଷ ହେବା ଯାଏଁ ଏହି ପାସର ଅବଧି ରହିବ । ତେବେ ଏହି ପାସ୍ ଦେବା ପୂର୍ବରୁ ପୋଲିସ ଯାତ୍ରୀଙ୍କ ଜରୁରୀକାଳିନ ଆବଶ୍ୟକତା ଯାଂଚ କରୁଛି । ବିଶେଷ କରି ସ୍ୱାସ୍ଥ୍ୟସେବା କ୍ଷେତ୍ରରେ ଏହି ପାସ୍ ଯୋଗାଇ ଦିଆଯାଉଛି ।
Comments are closed.