ମୁମ୍ବାଇ: ବଲିଉଡ଼ ଅଭିନେତା ସନ୍ନି ଦେଓଲ ତାଙ୍କ ଫିଲ୍ମ ‘ଗଦର ୨’କୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି । ମଙ୍ଗଳବାର ସ୍ୱାଧୀନତା ଦିବସ ଅବସରରେ ସନ୍ନି ଦେଓଲ ଇନ୍ଦୋରର ମୁହୋ ଶିଶୁ ସଂଗ୍ରହାଳୟରେ ପହଞ୍ଚିିଥିଲେ । ତାରା ସିଂ ବେଶରେ ସଜ୍ଜିତ ହୋଇ ପତାକା ଉତ୍ତୋଳନ କଲେ ସନ୍ନି ଦେଓଲ । ଏହି ସମୟରେ ସେ ବେଶ୍ ଖୁସି ଥିବା ଦେଖିବାକୁ ମିଳିଛି । ସନ୍ନି ଦେଓଲ ଧଳା କୁର୍ତ୍ତା ପାଇଜାମା ଏବଂ ହଳଦିଆ ପଗଡି ପିନ୍ଧି ପୂର୍ଣ୍ଣ ତାରା ସିଂ ଅବତାରରେ ସେଠାରେ ପହଞ୍ଚିଥିଲେ । ତାଙ୍କ ପୁଅ ରାଜବୀର ଦେଓଲ ମଧ୍ୟ ତାଙ୍କ ସହ ଉପସ୍ଥିତ ଥିଲେ । ପତାକା ଉତ୍ତୋଳନ କରିବା ପରେ ସନ୍ନି ମଧ୍ୟ ସାମରିକ ଅସ୍ତ୍ର ଯାଞ୍ଚ କରିବା ସହ ସେଠାରେ ଉପସ୍ଥିତ ଯବାନଙ୍କ ସହ ଆଲୋଚନା କରିଥିଲେ ।
ସନ୍ନି ଦେଓଲଙ୍କ ଅଭିନୀତ ‘ଗଦର ୨’ ବକ୍ସ ଅଫିସରେ ରେକର୍ଡ଼ କରିଛି । ଏହି ଫିଲ୍ମ ରିଲିଜ ହେବାର ଚତୁର୍ଥ ଦିନରେ ‘ଗଦର ୨’ ୩୭ କୋଟି ଟଙ୍କା ବ୍ୟବସାୟ କରିଛି । ଫିଲ୍ମ ବର୍ତ୍ତମାନ ପର୍ଯ୍ୟନ୍ତ ୧୭୨ କୋଟି ଟଙ୍କା ସଂଗ୍ରହ କରିଛି ।
