ଚେନ୍ନାଇ: ତାମିଲ ସୁପରଷ୍ଟାର ଥଲାପତି ବିଜୟ ରାଜନୀତିରେ ଦମଦାର ଏଣ୍ଟ୍ରୀ କରିଛନ୍ତି । ଅଭିନେତା ଫିଲ୍ମ ରୁ ରାଜନୀତି ଦୁନିଆକୁ ନିଜ ଯାତ୍ରା ଆରମ୍ଭ କରିଛନ୍ତି । ବିଜୟଙ୍କ ପାଇଁ ରାଜନୀତି ପ୍ଲାଟଫର୍ମ ସମ୍ପୂର୍ଣ୍ଣ ନୂଆ । ତେବେ ଅଭିନେତା ଜଣକ କୌଣସି ରାଜନୈତିକ ଦଳରେ ଯୋଗ ଦେଇନାହାଁନ୍ତି, ବରଂ ସେ ନିଜର ଅଲଗା ରାଜନୈତିକ ଦଳ ଗଠନ କରିଛନ୍ତି । ରାଜନୀତିରେ ଆସିବା ସହିତ ସେ ନିଜ ଦଳ ମଧ୍ୟ ଘୋଷଣା କରିଛନ୍ତି ।
ଅଭିନେତା ବିଜୟଙ୍କ ଏହି ପାର୍ଟିର ନାମ ହେଉଛି ତାମିଝା ଭେଟ୍ରି କାଜହାଗମ । ତେବେ ଚଳିତ ବର୍ଷ ଲୋକସଭା ନିର୍ବାଚନରେ ବିଜୟଙ୍କ ଦଳ ଭାଗନେବା ନାହିଁ ବୋଲି ଆଜି ତାଙ୍କ ଦଳ ପକ୍ଷରୁ ସ୍ପଷ୍ଟ କରାଯାଇଛି । 2026 ବିଧାନସଭା ନିର୍ବାଚନରେ ବିଜୟ ହାସିଲ କରିବାକୁ ଲକ୍ଷ୍ୟ ରଖିଛି ଦଳ ।
ତେବେ ଚଳିତବର୍ଷର ଲୋକସଭା ନିର୍ବାଚନରେ ଏହି ଦଳ କୌଣସି ଦଳକୁ ସମର୍ଥନ କରିବ ନାହିଁ ବୋଲି ଏହା ମଧ୍ୟ ‘ତାମିଝା ଭେଟ୍ରି କାଜହାଗମ’ ପକ୍ଷରୁ ସ୍ପଷ୍ଟ କରାଯାଇଛି । ତାମିଲନାଡୁରେ ଅଭିନେତା ବିଜୟଙ୍କ ବହୁ ମାତ୍ରାରେ ଫ୍ୟାନ୍ସ ରହିଛନ୍ତି । ରଜନୀକାନ୍ତ ଏବଂ କମଲ ହାସନଙ୍କ ପରେ ବିଜୟଙ୍କର ସବୁଠାରୁ ଅଧିକ ପ୍ରଶଂସକ ରହିଛନ୍ତି ।
ଅଭିନେତା ବିଜୟ କିଛି ଦିନ ପୂର୍ବରୁ ରାଜନୀତିରେ ପ୍ରବେଶ କରିବାକୁ ସଙ୍କେତ ଦେଇଥିଲେ । ଅଭିନେତା ବିଜୟ ତାଙ୍କ ପ୍ରଶଂସକ କ୍ଲବ ମାଧ୍ୟମରେ ତାମିଲନାଡୁରେ କିଛି ଦିନ ହେବ ସାମାଜିକ ସେବାରେ ସକ୍ରିୟ ଭାବରେ ଜଡିତ ଥିଲେ ।
Comments are closed.