ନୂଆଦିଲ୍ଲୀ: ସୁପ୍ରିମକୋର୍ଟ ଆରମ୍ଭ କଲେ ହ୍ବାଟସଆପ୍ ସେବା। ପ୍ରଧାନ ବିଚାରପତି ଡିଓ୍ବାଇ ଚନ୍ଦ୍ରଚୂଡ ଏହାକୁ ଆଜି ଆରମ୍ଭ କରିଛନ୍ତି ।ଏହି ସେବା ଦ୍ବାରା ମାମଲା ସମ୍ପର୍କିତ ସମସ୍ତ ଗୁରୁତ୍ୱପୂର୍ଣ୍ଣ ତଥ୍ୟ ‘ଆଡଭୋକେଟ୍ ଅନ୍ ରେକର୍ଡ’ ଏବଂ ମାମଲାରେ ସଂପୃକ୍ତ ପକ୍ଷ ସିଧା ହ୍ବାଟସଆପ୍ ମାଧ୍ୟମରେ ପାଇ ପାରିବେ।ଏହି ପଦକ୍ଷେପ ଦ୍ବାରା ସବୁ ଆଡଭୋକେଟ୍ ଅନ୍ ରେକର୍ଡ ଓ ପକ୍ଷକାରଙ୍କୁ ମାମଲା ସମ୍ପର୍କିତ ସବୁ ଅପଡେଟ୍ ସିଧା ତାଙ୍କର ହ୍ବାଟସଆପ୍ ନମ୍ବରରେ ମିଳିବ। ସୁପ୍ରିମକୋର୍ଟଙ୍କ ଦ୍ୱାରା ଆରମ୍ଭ ହୋଇଥିବା ଆଇଟି ସେବା ସହିତ ହ୍ବାଟସଆପ୍ ମେସେଜିଂ ସେବାକୁ ଏକୀକୃତ କରିବାର ଏହି ନୂତନ ପଦକ୍ଷେପ କୁ ଆରମ୍ଭ କରିଛନ୍ତି ସୁପ୍ରିମକୋର୍ଟ । ସିଜେଆଇ କହିଛନ୍ତି, ଏହି ନୂତନ ପଦକ୍ଷେପ ଦ୍ଵାରା ବିଚାର ବ୍ୟବସ୍ଥା ରେ ବଡ ପ୍ରଭାବ ପଡିବାର ସମ୍ଭାବନା ରହିଛି।
ସେ କହିଛନ୍ତି ସୁପ୍ରିମକୋର୍ଟ ୭୫ ବର୍ଷରେ ଏକ ଛୋଟିଆ ପଦକ୍ଷେପ ଆରମ୍ଭ କରିଛନ୍ତି। ଆମର ଦୈନିକ ଜୀବନରେ ଗୁରୁତ୍ବପୂର୍ଣ୍ଣ ସେବା ଦେଉଛି ହ୍ବାଟସଆପ୍ ମେସେଞ୍ଜର ଓ ଏକ ଶକ୍ତିଶାଳୀ ଯୋଗାଯୋଗ ଉପକରଣର ଭୂମିକା ଗ୍ରହଣ କରିଛି । ନ୍ୟାୟ ପାଇବାକୁ ତଥା ନ୍ୟାୟିକ ବ୍ୟବସ୍ଥାରେ ସ୍ୱଚ୍ଛତା ବୃଦ୍ଧି ପାଇଁ ସୁପ୍ରିମକୋର୍ଟ ଏହାର ଆଇଟି ସେବା ସହିତ ହ୍ବାଟସଆପ୍ ମେସେଜିଂ ସେବା ଏକିକୃତ କରିବାର ଘୋଷଣା କରିଛନ୍ତି। ଏହି ପଦକ୍ଷେପ ଦ୍ବାରା ଆଡଭୋକେଟ୍ ଅନ୍ ରେକର୍ଡ ଓ ବ୍ୟକ୍ତିଗତ ରୂପରେ ପକ୍ଷକାରଙ୍କୁ ଇଲେକ୍ଟ୍ରୋନିକ୍ ଫାଇଲ୍, କଜ୍ ଲିଷ୍ଟ୍, ଆଦେଶ ଏବଂ ବିଚାର ସମ୍ପର୍କରେ ଅଟୋମେଟିକ୍ ହ୍ବାଟସଆପ୍ ଅପଡେଟ୍/ସ୍ବୟଂଚାଳିତ ବାର୍ତ୍ତା ଗ୍ରହଣ କରିବେ । ଏହି ସ୍ୱୟଂଚାଳିତ ବାର୍ତ୍ତାଗୁଡ଼ିକ ମାମଲାଗୁଡ଼ିକର ସଫଳ ଦାଖଲ ଉପରେ ଗ୍ରହଣ କରାଯିବ। ଏଥିରେ ଦାଖଲ ହୋଇଥିବା ମାମଲାରେ ରେଜେଷ୍ଟ୍ରୀ ଦ୍ବାରା ଚିହ୍ନଟ ଆପତ୍ତି ବିଷୟରେ ବିଜ୍ଞପ୍ତି ମଧ୍ୟ ଅନ୍ତର୍ଭୂକ୍ତ । କାରଣ ତାଲିକାଗୁଡ଼ିକ ରେଜେଷ୍ଟ୍ରି ଦ୍ବାରା ବାର୍ର ସବୁ ସଦସ୍ୟଙ୍କୁ ପଠାଇ ଦିଆଯିବ। ୱେବସାଇଟରେ ଉପଲବ୍ଧ ଆଦେଶ ଏବଂ ବିଚାର ମଧ୍ୟ ହ୍ବାଟସଆପ୍ ମାଧ୍ୟମରେ ପଠାଇ ଦିଆଯିବ । ସୁପ୍ରିମକୋର୍ଟଙ୍କ ଅଫିସିଆଲ ନମ୍ବର ରହିବ-୮୭୬୮୭୬୭୬,ଏଥିରେ କେବଳ ଏକପାଖିଆ ଯୋଗାଯୋଗ କରିବା ସମ୍ଭବ