ମୁମ୍ବାଇ: ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ୧ ବର୍ଷରୁ ଅଧିକ ସମୟ ବିତିଯାଇଥିଲେ ମଧ୍ୟ ସେ ତାଙ୍କ ପ୍ରଶଂସକଙ୍କ ହୃଦୟରେ ଏବେ ବି ଜୀବିତ ଅଛନ୍ତି। ତେବେ କିଛିଦିନ ତଳେ ଯେତେବେଳେ ସୁଶାନ୍ତଙ୍କ ଫେସବୁକ୍ ଆକାଉଣ୍ଟ ଅଚାନକ ସକ୍ରିୟ ହୋଇଥିଲା ସେତେବେଳେ ତାଙ୍କ ପ୍ରଶଂସକ ତାଜୁବ ହୋଇଯାଇଥିଲେ। ସୁଶାନ୍ତଙ୍କ ଫେସ୍ବୁକ୍ ଆକାଉଣ୍ଟ ସକ୍ରିୟ ହେବା ସହିତ ପ୍ରୋଫାଇଲ୍ ଫଟୋ ମଧ୍ୟ ବଦଳିଯାଇଥିଲା।
ବାସ୍ତବରେ, ନିକଟରେ ସୁଶାନ୍ତ ସିଂ ରାଜପୁତଙ୍କ ଫେସବୁକ୍ ଆକାଉଣ୍ଟ ଆକ୍ଟିଭ୍ ହେବା ସହିତ ତାଙ୍କର ଫେସବୁକ୍ ପ୍ରୋଫାଇଲ୍ ଫଟୋ ମଧ୍ୟ ଚେଞ୍ଜ ହୋଇଥିଲା। ଏହା ଦେଖି ତାଙ୍କ ପ୍ରଶଂସକମାନେ ତାଜୁବ ହେବା ସହିତ ମିଶ୍ରିତ ପ୍ରତିକ୍ରିୟା ଦେଇଛନ୍ତି। କିଛି ପ୍ରଶଂସକ ଭାବପ୍ରବଣ ହୋଇଥିବାବେଳେ ଅନେକ ଆଶ୍ଚର୍ଯ୍ୟ ପ୍ରକଟ କରିଛନ୍ତି। ତେବେ କିଏ ଏମିତି କରୁଛନ୍ତି ବୋଲି ମଧ୍ୟ ପ୍ରଶ୍ନ ଉଠିଛି।
ଜଣେ ଉପଭୋକ୍ତା ମନ୍ତବ୍ୟରେ ଲେଖିଛନ୍ତି- ‘ସୁଶାନ୍ତ ସିଂ ରାଜପୁତଙ୍କ ଫେସ୍ବୁକ୍ ପେଜ୍କୁ କେହି ଜଣେ ନିୟନ୍ତ୍ରଣ କରୁଛନ୍ତି। ମିସ୍ ୟୁ ସୁଶାନ୍ତ। ‘ଆଉ ଜଣେ ପ୍ରଶଂସକ ଲେଖିଛନ୍ତି-‘ ମୁଁ ଭାବୁଛି ସୁଶାନ୍ତ ଏହି ଦୁନିଆରେ ଜୀବିତ ଅଛନ୍ତି। ଆଉ ଜଣେ ଲେଖିଛନ୍ତି- ‘କ’ଣ ଘଟୁଛି? ଫଟୋ କିଏ ଅପଲୋଡ୍ କରୁଛି? କିଏ ତାଙ୍କ ପେଜ୍ ନିୟନ୍ତ୍ରଣ କରୁଛି? ଏହା ବହୁତ ବିଚିତ୍ର। ‘
Comments are closed.