ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିଛନ୍ତି । ମୁମ୍ବାଇର ବାନ୍ଦ୍ରା ସ୍ଥିତ ଘରେ ବେକରେ ଫାଶୀ ଲଗାଇ ଆତ୍ମହତ୍ୟା କରିଥିବା ତାଙ୍କ ଘରର ଚାକର କହିଛି । ତେବେ ସୁଶାନ୍ତ ମୃତ୍ୟୁକୁ ନେଇ ମୁମ୍ବାଇ ପୋଲିସ କହିଛି ଯେ, ଗତ ୬ ମାସ ହେବ ସୁଶାନ୍ତ ଡିପ୍ରେସନରେ ଥିଲେ । ଗତକାଲି ରାତିରେ କିଛି ବନ୍ଧୁ ସୁଶାନ୍ତଙ୍କ ସହିତ ଥିଲେ ।
ତେବେ ସୁଶାନ୍ତ ବହୁ ସଫଳ ଫିଲ୍ମରେ ଅଭିନୟ କରିଥିଲେ । ଧୋନୀ ଦ ଅନଟୋଲ୍ଡ ଷ୍ଟାରି, କାୟ ପୋ ଛେ, ସୁଦ୍ଧ ଦେସୀ ରୋମାନ୍ସ, ପିକେ, କେଦାରନାଥ ଛିଛୋରେରେ ସୁଶାନ୍ତଙ୍କ ଅଭିନୟକୁ ଦର୍ଶକମାନେ ବେଶ ପସନ୍ଦ କରିଥିଲେ । ଧାରାବାହିକ ପବିତ୍ର ରିସ୍ତାରୁ ସେ ବେଶ ଲୋକପ୍ରିୟତା ପାଇଥିଲେ ।
ସେପଟେ ସୁଶାନ୍ତଙ୍କ ଆତ୍ମହତ୍ୟା ଖବର ବଲିଉଡ ଜଗତକୁ ଶକ୍ତ ଧକ୍କା ଦେଇଛି । ସମସ୍ତେ ସ୍ତବ୍ଧ ହୋଇଯାଇଛନ୍ତି । ହଠାତ୍ ସୁଶାନ୍ତଙ୍କ ଆତ୍ମହତ୍ୟା ଖବରକୁ କେହି ମଧ୍ୟ ସହଜରେ ଗ୍ରହଣ କରିପାରୁ ନାହାନ୍ତି ।
Comments are closed.