Latest Odisha News

ସମୁଦ୍ରରୁ ଭାସି ଆସିଥିବା ଡଙ୍ଗାରୁ ମିଳିଲା ୩ଟି ଏକେ-୪୭ ସହ ଗୁଳି

ଫଡନାଭିସ କହିଲେ ଏହା ଅଷ୍ଟ୍ରେଲିଆ ଦମ୍ପତ୍ତିଙ୍କର!

ମୁମ୍ବାଇ:  ମହାରାଷ୍ଟ୍ରର ରାୟଗଡ ଜିଲ୍ଲାର ହରିହରେଶ୍ୱର ଉପକୂଳରେ ଡଙ୍ଗାରୁ ତିନୋଟି AK-47 ଏବଂ ଗୁଳି ଜବତ କୁ ନେଇ ହାଇ ଆଲର୍ଟ ଜାରି କରାଯାଇଛି। ଏହା ପରେ ଆତଙ୍କବାଦୀ ଷଡଯନ୍ତ୍ରର ସମ୍ଭାବନା ଥିବାରୁ ପୋଲିସ ସତର୍କ ହୋଇଥିଲା । ପୋଲିସ ଏକ ଦଉଡି ସାହାଯ୍ୟରେ ଡଙ୍ଗାକୁ କୂଳକୁ ଟାଣି ଦେଖିବାକୁ ପାଇଥିଲା ଯେ  ଏଥିରେ ଏକ AK-47 ଏବଂ ଏକ କଳା ବାକ୍ସରେ ବୁଲେଟ୍ ରହିଥିଲା ।  ବାକ୍ସରେ  ନେପଟୁନ୍ ସାମୁଦ୍ରିକ ସୁରକ୍ଷା ଇଂରାଜୀରେ ଲେଖା ହୋଇଛି। ଯାହା କି ବ୍ରିଟେନର କମ୍ପାନିର ବୋଲି କୁହାଯାଉଛି ।

ତେବେ ଖୋଳତାଡ ପରେ ଏଥିରେ ଆତଙ୍କବାଦୀଙ୍କ କାର୍ଯ୍ୟକଳାପର କିଛି ସୂଚନା ମିଳିନାହିଁ । ଏଠାରେ ମହାରାଷ୍ଟ୍ରର ଡେପୁଟି ସିଏମ୍ ଏବଂ ଇଣ୍ଡିଆନ୍ କୋଷ୍ଟଗାର୍ଡଙ୍କ ବିବୃତ୍ତି ରୁ ଜଣାପଡିଛି ଯେ ଯଦିଓ ସୁରକ୍ଷା ଦୃଷ୍ଟିକୋଣରୁ ଏନ୍ଆଇଏ ଏବଂ ଏଟିଏସ୍ ଟିମ୍ ଏହାର ଅନୁସନ୍ଧାନ କରୁଛନ୍ତି। ତେବେ ପ୍ରାଥମିକ ତଦନ୍ତ ପରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଏହି ଘଟଣା ସମ୍ପର୍କରେ କହିଛନ୍ତି ଯେ ରାୟଗଡ ଜିଲ୍ଲାର ଶ୍ରୀବର୍ଦ୍ଧନ ତାଲୁକାରେ ଡଙ୍ଗା ମିଳିଥିଲା। ଡଙ୍ଗାର ନାମ ହେଉଛି ଲେଡି ହାନ୍ ଏବଂ ଏହାର ମାଲିକ ହେଉଛନ୍ତି ଅଷ୍ଟ୍ରେଲୀୟ ମହିଳା ହାନା ଲଣ୍ଡର୍ସଗାନ୍ ।  ତାଙ୍କ ସ୍ୱାମୀ ଜେମ୍ସ ହୋବର୍ଟ ଡଙ୍ଗା ଚଳାଉଥିଲେ । ଏହାର ଇଞ୍ଜିନ ଖରାପ ହେବା ପରେ ସେମାନେ ଏହାକୁ ସମୁଦ୍ର ମଧ୍ୟରେ ହିଁ ଛାଡ଼ି ଦେଇଥିଲେ। ଉଚ୍ଚ ଜୁଆର ଯୋଗୁ ଏହା ଭାସି ଆସି ରାଇଗଡ଼ରେ ଲାଗିଛି। ତେବେ ସେହି  ଡଙ୍ଗାରେ ରହିଛି ୩ଟି ଏକେ ୪୭, ଅନେକ ପରିମାଣର ଗୁଳି ଓ ବିସ୍ଫୋରକ ସାମଗ୍ରୀ ମିଳିଛି ।

ଏଠାରେ ସୂଚନାଯୋଗ୍ୟ ଯେ ୨୦୦୮ ମସିହା ନଭେମ୍ବର ୨୬ରେ ଆତଙ୍କବାଦୀମାନେ ଠିକ୍‌ ଅନୁରୂପ ଭାବେ ଡଙ୍ଗାରେ ଅସ୍ତ୍ରଶସ୍ତ୍ର ଆଣି ମୁମ୍ବାଇରେ ୩ ଦିନ ଧରି ଭୟଙ୍କର ଆକ୍ରମଣ କରିଥିଲେ । ତେଣୁ ଏହା ପଛରେ ମଧ୍ୟ ଆତଙ୍କୀଙ୍କ ଷଡ଼ଯନ୍ତ୍ର ଥିବା ଆଶଙ୍କା କରି ପୂରା ମହାରାଷ୍ଟ୍ରରେ ସତର୍କ ସୂଚନା ଜାରି କରାଯାଇଛି ।  ଏଟିଏସ୍‌ ଓ ରାଇଗଡ଼ ପୁଲିସ୍‌ ଘଟଣାର ଯାଞ୍ଚ କରୁଥିବା ବେଳେ ଏନଆଇଏ ମଧ୍ୟ ଦିଲ୍ଲୀରୁ ରାଇଗଡ଼ ଅଭିମୁଖେ ବାହାରିଛି। ଏହାର ଯାଞ୍ଚ ଚାଲିଥିବା ବେଳେ ସେହି ରାଇଗଡ଼ରୁ ଆଉ ଗୋଟି ପରିତ୍ୟକ୍ତ ଡଙ୍ଗା ମିଳିଛି।

 

ପ୍ରାଥମିକ ତଦନ୍ତରୁ ଏହା ପଛରେ କୌଣସି ଆତଙ୍କୀ ଷଡ଼ଯନ୍ତ୍ର ଥିବା ସ୍ପଷ୍ଟ ହୋଇନି। ତଥାପି ଘଟଣାର ସବୁ ଦିଗକୁ ବିଚାରକୁ ନେଇ ତଦନ୍ତ କରାଯାଉଥିବା ସେ କହିଛନ୍ତି।

Leave A Reply

Your email address will not be published.