ଭୁବନେଶ୍ୱର: ଓଡିଶା ସିନେ ଜଗତର ସୁପରଷ୍ଟାର ସବ୍ୟସାଚୀ ନିଜ ଫିଲ୍ମ କ୍ୟାରିଅରରେ ଆଉଗୋଟେ ପାଦ ଆଗକୁ ଯାଇଛନ୍ତି ।
ତାମିଲ ସିନେମାରେ ଅଭିନୟ କରିବାକୁ ଯାଉଛନ୍ତି ସବ୍ୟସାଚୀ ।
ତାମିଲ ସିନେମା ‘ନାଦିର ଧିନା’ରେ ନଜର ଆସିବେ ସବ୍ୟ। ‘ନାଦିର ଧିନା’ରେ ସବ୍ୟସାଚୀ ମୁଖ୍ୟ ଭୂମିକାରେ ନଜର ଆସିବେ ।
ଓଡ଼ିଆ ସିନେ ଜଗତରେ ନିଜ ଅଭିନୟର ଯାଦୁ ଦେଖାଇବା ସହ ସବ୍ୟସାଚୀ ଅନେକ ବଙ୍ଗାଳୀ ଓ ତେଲୁଗୁ ସିନେମାରେ ପୂର୍ବରୁ ଅଭିନୟ କରିଛନ୍ତି ।
ଏହାର ଟ୍ରିଜର ନିକଟରେ ରିଲିଜ ହୋଇଛି । ଏହାକୁ ସୋସିଆଲ ମିଡିଆରେ ସବ୍ୟ ସେୟାର କରି ନିଜ ପ୍ରଶଂସକଙ୍କ ଶୁଭକାମନା ଆଶା କରିଛନ୍ତି ।
ପ୍ରଥମେ ଓଡିଆ ଆଲବମ ଗୀତରୁ ନିଜର କ୍ୟାରିଅର ଆରମ୍ଭ କରିଥିବା ସବ୍ୟସାଚୀ ପରେ ଜଣେ ଲୋକପ୍ରିୟ ଅଭିନେତା ହୋଇପାରିଥିଲେ ।
ଅତୀତରେ ସବ୍ୟଙ୍କ ‘ମୁ ଏକା ତୁମର’ ଚଳଚ୍ଚିତ୍ର ଶ୍ରେଷ୍ଠ ସିନେମା ଭାବେ ପୁରସ୍କୃତ ହୋଇଥିଲା ।