ଚେନ୍ନାଇ: ଚେନ୍ନାଇ ନିକଟ ଭାନ୍ଦାଲୁରୁରେ ଥିବା ଆରିଗନାର ଆନ୍ନା ପ୍ରାଣୀ ଉଦ୍ୟାନରେ ଥିବା ୧୧ଟି ସିଂହଙ୍କ ମଧ୍ୟରୁ ନଅ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ପ୍ରାଣୀ ଉଦ୍ୟାନ କର୍ତ୍ତୃପକ୍ଷଙ୍କ ବିବୃତ୍ତି ଅନୁଯାୟୀ। SARS-CoV-2 ହେଉଛି ସେହି ଭୂତାଣୁ ଯାହା କରୋନା ରୋଗ ସୃଷ୍ଟି କରେ।
ପ୍ରାଣୀ ଉଦ୍ୟାନରେ ଥିବା ୯ ବର୍ଷର ସିଂହ ନିଲା ଗୁରୁବାର ସନ୍ଧ୍ୟାରେ ମୃତ୍ୟୁ ବରଣ କରିଥିବା ସୂଚନା ମିଳିଛି। ଅଧିକାରୀମାନଙ୍କ କହିବା ଅନୁଯାୟୀ ମୃତ ସିଂହ ଏହାର ଲକ୍ଷଣ ଦେଖାଇବା ପରେ ତୁରନ୍ତ ତାକୁ ଚିକିତ୍ସା ଯୋଗାଇ ଦିଆଯାଇଥିଲା।
ପ୍ରାଣୀ ଉଦ୍ୟାନ କର୍ତ୍ତୃପକ୍ଷଙ୍କ ଅନୁଯାୟୀ, ମେ ୨୬ ରେ ସଫାରି ପାର୍କ ଅଞ୍ଚଳର ଆନିମଲ ହାଉସ ୧ ରେ ପାଞ୍ଚଟି ସିଂହଙ୍କଠାରେ କ୍ଷୁଧାହୀନତା ଏବଂ ବେଳେବେଳେ କାଶ ଭଳି ଲକ୍ଷଣ ଦେଖାଯାଇଥିଲା। ଏହା ପରେ ତାମିଲନାଡୁର ପ୍ରାଣୀ ଚିକିତ୍ସା ଏବଂ ପ୍ରାଣୀ ବିଜ୍ଞାନ ବିଶ୍ୱବିଦ୍ୟାଳୟର ଏକ ଘରୋଇ ପ୍ରାଣୀ ଚିକିତ୍ସା ଦଳ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଚିକିତ୍ସା ପ୍ରସ୍ତାବ ଦେଇଥିଲେ।