ଶିଲଂ: ତାମିଲନାଡୁ ଟେବୁଲ ଟେନିସ ଖେଳାଳି ବିଶ୍ୱ ଦୀନଦୟାଲନଙ୍କ(୧୮) ରବିବାର ଗୁଆହାଟ୍ଟିରୁ ଶିଲଂ ଯିବା ରାସ୍ତାରେ ସଡ଼କ ଦୁର୍ଘଟଣାରେ ମୃତ୍ୟୁ ହୋଇଯାଇଛି । ୮୩ତମ ଜାତୀୟ ସିନିଅର ଓ ଅନ୍ତଃ ରାଜ୍ୟ ଟେବୁଲ ଟେନିସ ପ୍ରତିଯୋଗିତା ଖେଳିବାକୁ ଅନ୍ୟ ତିନି ଜଣ ଖେଳ ସାଙ୍ଗଙ୍କ ସହ ଟାକ୍ସିରେ ଯାଉଥିଲେ । ରମେଶ ସନ୍ତୋଷ କୁମାର, ଅବିନାଶ ପ୍ରସନ୍ନାଜୀ ଶ୍ରୀନିବାସନ ଏବଂ କିଶୋର କୁମାର ଆହତ ହୋଇଛନ୍ତି । ଦୁର୍ଘଟଣା ସ୍ଥଳରେ ହିଁ ଚାଳକଙ୍କ ମୃତ୍ୟୁ ହୋଇଛି ।
ଶଂବାଙ୍ଗଲା ନିକଟରେ ଏକ ୧୨ ଚକିଆ ଟ୍ରେଲର ଅପର ପାଶ୍ୱର୍ରୁ ଆସି ଟାକ୍ସିକୁ ଧକ୍କା ଦେଇଥିଲା ବୋଲି ଦେଖଣାହାରୀ କହିଛନ୍ତି । ଏବଂ ଟେବୁଲ ଟେନିସ ଫେଡେରେସନ ଅଫ ଇଣ୍ଡିଆ ସୂଚନା ଦେଇଛନ୍ତି । ମେଘାଳୟ ସରକାର ଏବଂ ଟିଟିଏଫଆଇ ସହାୟତାରେ ଚାରି ଖେଳାଳି ଓ ଚାଳକଙ୍କୁ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା ।
ମେଘାଳୟ ମୁଖ୍ୟମନ୍ତ୍ରୀ କର୍ଣ୍ଣାଡ ସାଙ୍ଗମା, ତାମିଲନାଡ଼ୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ବିଶ୍ୱଙ୍କ ମୃ୍ତ୍ୟୁରେ ଟ୍ୱିଟ କରି ଶୋକ ପ୍ରକାଶ କରିଛନ୍ତି । ହରୟାଣା ଉପ-ମୁଖ୍ୟମନ୍ତ୍ରୀ ଦୁଷ୍ୟନ୍ତ ଚୌଟାଲା ଶୋକ ପ୍ରକାଶ କରିବା ସହ ୫ ଲକ୍ଷ ଟଙ୍କାର ସହାୟତା ରାଶି ଘୋଷଣା କରିଛନ୍ତି ।
Saddened to learn that Tamil Nadu paddler, Deenadayalan Vishwa passed away after an accident in Ri Bhoi District while on his way to Shillong to participate in the 83rd Senior National Table Tennis Championship in our State@ianuragthakur @KirenRijiju @mkstalin @CMOTamilnadu pic.twitter.com/sGvAc3eDhe
— Conrad Sangma (@SangmaConrad) April 17, 2022
ବିଶ୍ୱ ଏକାଧିକ ଜାତୀୟ, ଅର୍ନ୍ତଜାତୀୟ ଟାଇଟଲ ଜିତିବା ସହ ରାଜ୍ୟକୁ ଗର୍ବର ସୁଅ ଛୁଟାଇଛନ୍ତି । ଏଥି ସହିତ ଏପ୍ରିଲ ୨୭ରେ ୱାର୍ଲଡ ଟେବୁଲ ଟେନିସ ୟୁଥ୍ କଣ୍ଟେଣ୍ଡରରେ ଭାରତକୁ ପ୍ରତିନିଧିତ୍ୱ କରିବାର ଥିଲା ।
Shocked beyond words to hear about the heartbreaking & untimely demise of our young, promising Table Tennis player Vishwa Deenadayalan. He was a legend-in-making and it pains me that he left us too soon.
I offer my deepest condolences to his family, friends & sports fraternity. pic.twitter.com/hFlrR0Mycl
— M.K.Stalin (@mkstalin) April 18, 2022
Comments are closed.