ଭାରତର ୨୦୨୨ କ୍ରିକେଟ କାର୍ଯ୍ୟସୂଚୀ

ପୁରୀ: ୨୦୨୨ ପାଇଁ ଭାରତର ବ୍ୟସ୍ତବହୂଳ କାର୍ଯ୍ୟସୂଚୀ ଘୋଷିତ । ଭାରତ ପାଇଁ ଏଥର ଟି୨୦ ବିଶ୍ୱକପ ଜିତିବା ସୁଯୋଗ ମଧ୍ୟ ରହିଛି ।
ଜାନୁୟାରୀ: ଡିସେମ୍ବର ୨୬ରୁ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଟେଷ୍ଟ ସିରିଜ ଆରମ୍ଭ ହୋଇଯାଇଛି । ଜାନୁୟାରୀ ବାକି ଥିବା ୨ ଟେଷ୍ଟ ଏବଂ ଦିନିକିଆ ସିରିଜ ଖେଳାଯିବ ।
ଫେବୃୟାରୀ: ଦକ୍ଷିଣ ଆଫ୍ରିକା ଗସ୍ତରୁ ଫେରିବା ପରେ ଭାରତ ଘରୋଇ ପରିବେଶରେ ୱେଷ୍ଟଇଣ୍ଡିଜ ସହ ୩ଟି ଦିନିକିଆ ଏବଂ ସମାନ ସଂଖ୍ୟକ ଟି୨୦ ମ୍ୟାଚ ଖେଳିବ । ଏହି ସିରିଜ ପରେ ଶ୍ରୀଲଙ୍କା ବିପକ୍ଷରେ ୨ଟି ଟେଷ୍ଟ ଖେଳିବ ।
ମାର୍ଚ୍ଚ: ଶ୍ରୀଲଙ୍କା ବିପକ୍ଷ ସିରିଜର ଦ୍ୱିତୀୟ ଟେଷ୍ଟ ଏବଂ ଟି୨୦ ସିରିଜ ମାର୍ଚ୍ଚରେ ଖେଳାଯିବ । ଏହା ପରେ ବିସିସିଆଇ ଆଇପିଏଲ ପ୍ରସ୍ତୁତି ଆରମ୍ଭ କରିବ ।ଏପ୍ରିଲ-ମେ: ଆଇପିଏଲରେ ବ୍ୟସ୍ତ ରହିବେ ଟିମ ଇଣ୍ଡିଆ ଖେଳାଳି ।
ଜୁନ: ଏହା ପରେ ଦକ୍ଷିଣ ଆଫ୍ରିକା ବିପକ୍ଷରେ ଟିମ ଇଣ୍ଡିଆ ଘରୋଇ ମାଟିରେ ୫ ଟେଷ୍ଟ ଓ ଟି୨୦ ମ୍ୟାଚ ଖେଳିବ ।
ଜୁଲାଇ: ଭାରତ ଟିମ ଇଂଲଣ୍ଡରେ ୩ଟି ଟି୨୦ ଓ ୩ଟି ଦିନିକିଆ ମ୍ୟାଚ ଖେଳିବ । ଏହା ବ୍ୟତୀତ ଗୋଟିଏ ଟେଷ୍ଟ ମ୍ୟାଚ ମଧ୍ୟ ଖେଳିବ । ୨୦୨୧ରେ କୋଭିଡ ୧୯ ମହାମାରୀ ଯୋଗୁ ବକେୟା ଥିବା ୫ମ ଟେଷ୍ଟ ଏଠାରେ ଖେଳାଯିବ ।
ଅଗଷ୍ଟ-ସେପ୍ଟମ୍ବର: ତାରିଖର ଘୋଷଣା ହୋଇ ନ ଥିଲେ ମଧ୍ୟ ଭାରତ ଏହି ମାସରେ ହେବାକୁ ଥିବା ଏସିଆ କପରେ ଅଂଶଗ୍ରହଣ କରିପାରେବ ।
ଅକ୍ଟୋବର-ନଭେମ୍ବର: ଟି୨୦ ବିଶ୍ୱକପ ଖେଳିବା ପାଇଁ ଭାରତ ଅଷ୍ଟ୍ରେଲିଆ ଗସ୍ତରେ ଯିବ ।