ମୁମ୍ବାଇ: ଗାନ୍ଧି ଜୟନ୍ତୀ ଅବସରରେ କଙ୍ଗନାଙ୍କ ଫିଲ୍ମ ‘ତେଜସ୍’ର ଏକ ଦମଦାର ଟିଜର୍ ରିଲିଜ୍ ହୋଇଯାଇଛି । ରିଲିଜ ହେଉ ହେଉ ସୋସିଆଲ ମିଡିଆରେ ଏହା ବେଶ୍ ଭାଇରାଲ ହେବାରେ ଲାଗିଛି । କଙ୍ଗନା ନିଜେ ସୋସିଆଲ ମିଡିଆ ମାଧ୍ୟମରେ ପ୍ରଶଂସକଙ୍କ ସହ ଟିଜର ସେୟାର କରିଛନ୍ତି । ଭିଡିଓରେ ସେ ବାୟୁସେନା ପାଇଲଟ୍ ଭୂମିକାରେ ନଜର ଆସିଛନ୍ତି । ତାଙ୍କ ଚରିତ୍ରଟି ବହୁତ ଦମଦାର ଲାଗୁଛି ।
RSVP ଦ୍ୱାରା ପ୍ରସ୍ତୁତ ଫିଲ୍ମ ‘ତେଜସ’ର ଟିଜର ଆରମ୍ଭରୁ କଙ୍ଗନା ରଣାୱତଙ୍କୁ ପାଇଲଟ ପୋଷାକରେ ଦେଖିବା ପାଇଁ ମିଳୁଛି । ଏହାପରେ ସେ କହୁଛନ୍ତି, ପ୍ରତ୍ୟେକ ଥର ବାର୍ତ୍ତାଳାପ ହେବା ଜରୁରୀ ନୁହେଁ । ବର୍ତ୍ତମାନ ଯୁଦ୍ଧକ୍ଷେତ୍ରରେ ଯୁଦ୍ଧ ହେବା ଉଚିତ୍, ବର୍ତ୍ତମାନ ମୋ ଦେଶରେ ଏକ ବଡ଼ ଦୁଃଖଦ ଘଟଣା ଘଟିବା ପାଇଁ ଯାଉଛି, ଏବେ ଆକାଶରୁ ବର୍ଷା ନୁହେଁ, ନିଆଁର ବର୍ଷା ହେବା ଉଚିତ୍ । ସେହିପରି ଏହି ଟିଜରରେ ବରୁଣ ମିତ୍ରା ଏବଂ କଙ୍ଗନା ରଣାୱତଙ୍କ ରୋମାନ୍ସର ଝଲକ ଦେଖିବା ପାଇଁ ମିଳୁଛି ।
View this post on Instagram
ଏହି ଚଳଚ୍ଚିତ୍ରଟିର ଟ୍ରେଲର ଅକ୍ଟୋବର ୮ରେ ମୁକ୍ତିଲାଭ କରିବା ପାଇଁ ଯାଉଛି । ସେହିପରି ଅକ୍ଟୋବର ୧୭ରେ ଏହି ସିନେମା ପ୍ରେକ୍ଷାଳୟରେ ମୁକ୍ତିଲାଭ କରିବା ନେଇ ସୂଚନା ରହିଛି । ବାୟୁସେନା ପାଇଲଟ ତେଜସ ଗିଲଙ୍କ ଜୀବନର କାହଣୀ ଉପରେ ଆଧାରିତ ତେଜସର ଉଦ୍ଦେଶ୍ୟ ହେଉଛି ପ୍ରତ୍ୟେକ ଭାରତୀୟଙ୍କୁ ପ୍ରେରଣା ଦେବା । ସର୍ଭେଶ ମେୱାଡାଙ୍କ ଦ୍ୱାରା ନିର୍ଦ୍ଦେଶିତ ‘ତେଜସ୍’ରେ କଙ୍ଗନା ରଣାୱତଙ୍କୁ ମୁଖ୍ୟ ଭୂମିକାରେ ଦେଖିବା ପାଇଁ ମିଳିବ ।
Comments are closed.